منو
قریزانتیم گۆللری
آچیلمیشدی قریزانتیم گۆللری
خزان اولموش باغچامیزدا بیر سحر.
ایلک باهارین قؽزیل ساچلی گۆنوندن
قالمامیشدی اۆفوقلرده بیر اثر.
قوشلار بیزیم یوردون ترکین قؽلارکن،
بوش باغلاردا کؤنول درده دولارکن.
اوزاق ائلدن گلن گؤزل بیر پری،
قاپیمیزی آچیب بیزه گؤروندو.
او، آغ ایپک گئییملی منی گؤرجک
آی ایشیغی ساندیم، منه سۆروندو.
او ناخچیوان باغلاریندا آچیلان
بیر گۆل ایدی، اونون آدی زرافشان.
بزه‌میشدی او گۆن، قارا تئلینه،
آل ایپکدن باغلامیشدی بیر چیچک.
دئدیم: — زری، دگیشمیسن بو گۆنلر،
بو نه بزک، نه خبردیر، دئ گؤرک؟
دئدی صاباح بؤیوک بایرام اولاجاق
گل، گۆل درک، باغچالاردان بیر اتک.
بایرام توتاق، قؽزلار گلسین اوینایاق،
شامع یاندیراق، چوخلو گۆموش شامعداندا.
دئییب گۆلک، گۆلسون غملی کؤنلوموز،
بیر حقیقی بایرام گؤرسون جاهان دا.
اگر قورو یارپاق یئره النیب
باخ، باغچادا قریزانتیم گۆللنیب!
او زاماندان کئچمیش اوزون سنه‌لر،
باهار اولوب، سونرا یارپاق النیب.
اونوتمارام سئوینجینی او قؽزین:
گؤرسم باغدا قریزانتیم گۆللنیب.
خزان اولموش باغچامیزدا بیر سحر.
ایلک باهارین قؽزیل ساچلی گۆنوندن
قالمامیشدی اۆفوقلرده بیر اثر.
قوشلار بیزیم یوردون ترکین قؽلارکن،
بوش باغلاردا کؤنول درده دولارکن.
اوزاق ائلدن گلن گؤزل بیر پری،
قاپیمیزی آچیب بیزه گؤروندو.
او، آغ ایپک گئییملی منی گؤرجک
آی ایشیغی ساندیم، منه سۆروندو.
او ناخچیوان باغلاریندا آچیلان
بیر گۆل ایدی، اونون آدی زرافشان.
بزه‌میشدی او گۆن، قارا تئلینه،
آل ایپکدن باغلامیشدی بیر چیچک.
دئدیم: — زری، دگیشمیسن بو گۆنلر،
بو نه بزک، نه خبردیر، دئ گؤرک؟
دئدی صاباح بؤیوک بایرام اولاجاق
گل، گۆل درک، باغچالاردان بیر اتک.
بایرام توتاق، قؽزلار گلسین اوینایاق،
شامع یاندیراق، چوخلو گۆموش شامعداندا.
دئییب گۆلک، گۆلسون غملی کؤنلوموز،
بیر حقیقی بایرام گؤرسون جاهان دا.
اگر قورو یارپاق یئره النیب
باخ، باغچادا قریزانتیم گۆللنیب!
او زاماندان کئچمیش اوزون سنه‌لر،
باهار اولوب، سونرا یارپاق النیب.
اونوتمارام سئوینجینی او قؽزین:
گؤرسم باغدا قریزانتیم گۆللنیب.