گئجه‌لرین نغمه‌سی

تیتره‌دیر گئجه‌نین مرموز اللری
آطلاس پرده‌لرین ساچاقلارینی.
اوخشاییر نسیمین ایپک قانادی
اونون ساچلارینی، یاناقلارینی.

شمعین شؤعله‌لری تیتررکن سودا،
بیر سؤنوک خیال تک ایشیقلار اوینور.
او گؤزل گزنده، بیر آن ایچینده،
عکس ائدر آینادا یاقوتی بیر نور!

گئجه‌دیر، ایشیقلار اریرکن سودا
مینالی جامدا بیر خیال اریر.
قؽرمیزی شراب او منه وئرجک،
خاطیره حافیظین بو سؤزو گلیر.

بیزیم ارغوانی مئیدن ایچمه‌یین
نه آنلار لذّتین، عشقین، هوسین؟
من شراب ایچرم، چۆنکی گؤرموشم
مئی پیاله‌سینده یاریمین عکسین!