منو
بیر توخوجو قؽزا
اوچوب رنگین قؽزیم، سسین کاللاشیب،
کؤلگه‌لنیب گؤزل، آلا گؤزلرین،
چؽخ گۆنشه، قارانلیقدیر کارخانا،
اوزاقلاردان ائشیتمیرم سؤزلرین.
یئتر قؽزیم، توخودوغون خالچالار
آینابندلی سالونلاری سۆسله‌دی.
امکلرین، اینجه، سولغون اللرین،
بیر چوخ زنگین آغالاری بسله‌دی.
نازیک، ایپک خالچالارین گۆل آچدی،
اوتاغیندا هر گلینین، هر بگین،
بزه‌دینسه مجلیسلری دئ گؤروم،
زاواللی قؽز، بو دۆنیادا وار نه‌یین؟
نه واختادک آج قارینلا ایشله‌ییب،
یورغون اللر صرف ائده‌جک مین امک.
ائشیدیبسن بو مثلی بابادان:
«چؽلپاق گزیب، اؤزگه‌لری سۆسله‌مک.»
سن یاشیندا اولان قؽزلار گۆللنیر،
نه‌دن سولموش آچان گۆلون تئز سنین.
مخمر گئییب زنگینلرین قؽزلاری
نه‌دن مخمر اونلار اۆچون، بئز سنین.
رنگین اوچوب، دوداقلارین گؤیریب،
گۆل، گۆنشلن، آچسین سولموش گۆللرین.
گل، قوش کیمی قاناد آچیب اوزاقلاش،
قؽزیل گۆنش اؤپسون ساری تئللرین.
کؤلگه‌لنیب گؤزل، آلا گؤزلرین،
چؽخ گۆنشه، قارانلیقدیر کارخانا،
اوزاقلاردان ائشیتمیرم سؤزلرین.
یئتر قؽزیم، توخودوغون خالچالار
آینابندلی سالونلاری سۆسله‌دی.
امکلرین، اینجه، سولغون اللرین،
بیر چوخ زنگین آغالاری بسله‌دی.
نازیک، ایپک خالچالارین گۆل آچدی،
اوتاغیندا هر گلینین، هر بگین،
بزه‌دینسه مجلیسلری دئ گؤروم،
زاواللی قؽز، بو دۆنیادا وار نه‌یین؟
نه واختادک آج قارینلا ایشله‌ییب،
یورغون اللر صرف ائده‌جک مین امک.
ائشیدیبسن بو مثلی بابادان:
«چؽلپاق گزیب، اؤزگه‌لری سۆسله‌مک.»
سن یاشیندا اولان قؽزلار گۆللنیر،
نه‌دن سولموش آچان گۆلون تئز سنین.
مخمر گئییب زنگینلرین قؽزلاری
نه‌دن مخمر اونلار اۆچون، بئز سنین.
رنگین اوچوب، دوداقلارین گؤیریب،
گۆل، گۆنشلن، آچسین سولموش گۆللرین.
گل، قوش کیمی قاناد آچیب اوزاقلاش،
قؽزیل گۆنش اؤپسون ساری تئللرین.