منو
۱۹۴۵-جی ایلده
سؤندو قانلی شفقلرین، کئچدی ساکیت بیر گئجه،
دییشیلدی بیر گئجه‌ده بو دۆنیانین صفحه‌سی؟
صدف رنگلی فجر آچیلدی اوزاقلاردان، دنیزدن،
یئردن گؤیه قانادلاندی سحر ظفر نغمه‌سی.
قؽزیللانان سولار ایچره نیلوفرلر آچیلدی،
اودا یانان بئرلین اۆسته آل بایراقلار سانجیلدی.
بئرلین دۆشدو، فقط اوزاق دنیزلرده یاپونلار،
یانار داغتک آلوو، آتش پۆسکوروردو سولاردا.
چینلیلرین ائوین یؽخیب خرمنینی یاخارکن،
سجده قؽلیب پادشاها، سالمادیلار هئچ یادا!
اینسانلارین ناله‌سینی، قورخوسونو الله‌ین
بوغماق اۆچون گؤزله‌دیلر فرمانینی بیر شاهین.
اونلارین دا دؤرانلاری چوخ سۆرمه‌دی،
بیر گئجه بیر سِحرلی قۆّه ایله اۆرکلری پارتلادی.
قؽزیل اوردو هر طرفدن سرحدلری کئچینجه،
اینگیلتره، آمئریکا آدالارا آدلادی،
(گۆنش اوغلو) ایمپئراتور بولودلاردا قارالدی،
اۆرگینده تزه آچان قؽزیل گۆللر سارالدی.
سؤندو قانلی شفقلرین، ۱۹۴۵-جی ایل.
صدف رنگلی فجر آچیلدی صحرالاردا، دنیزده.
قان آغلایان دۆنیا گۆلدو، آچدی عمل گۆللری،
دۆنیا خالقی سئوینرکن، گۆلومسه‌دی تبریز ده.
آزادلیغین بایراغینی ارکین اۆسته تاخدیلار،
یئنه سؤنموش معبدلرده مشعللری یاخدیلار،
سن دوغدونسا قانلار ایچره ۱۹۴۵-جی ایل.
دییشیلدی بیر گئجه‌ده بو دۆنیانین صفحه‌سی؟
صدف رنگلی فجر آچیلدی اوزاقلاردان، دنیزدن،
یئردن گؤیه قانادلاندی سحر ظفر نغمه‌سی.
قؽزیللانان سولار ایچره نیلوفرلر آچیلدی،
اودا یانان بئرلین اۆسته آل بایراقلار سانجیلدی.
بئرلین دۆشدو، فقط اوزاق دنیزلرده یاپونلار،
یانار داغتک آلوو، آتش پۆسکوروردو سولاردا.
چینلیلرین ائوین یؽخیب خرمنینی یاخارکن،
سجده قؽلیب پادشاها، سالمادیلار هئچ یادا!
اینسانلارین ناله‌سینی، قورخوسونو الله‌ین
بوغماق اۆچون گؤزله‌دیلر فرمانینی بیر شاهین.
اونلارین دا دؤرانلاری چوخ سۆرمه‌دی،
بیر گئجه بیر سِحرلی قۆّه ایله اۆرکلری پارتلادی.
قؽزیل اوردو هر طرفدن سرحدلری کئچینجه،
اینگیلتره، آمئریکا آدالارا آدلادی،
(گۆنش اوغلو) ایمپئراتور بولودلاردا قارالدی،
اۆرگینده تزه آچان قؽزیل گۆللر سارالدی.
سؤندو قانلی شفقلرین، ۱۹۴۵-جی ایل.
صدف رنگلی فجر آچیلدی صحرالاردا، دنیزده.
قان آغلایان دۆنیا گۆلدو، آچدی عمل گۆللری،
دۆنیا خالقی سئوینرکن، گۆلومسه‌دی تبریز ده.
آزادلیغین بایراغینی ارکین اۆسته تاخدیلار،
یئنه سؤنموش معبدلرده مشعللری یاخدیلار،
سن دوغدونسا قانلار ایچره ۱۹۴۵-جی ایل.