منو
قافقاز یوللاریندا
بیر پارچا
سؤکولموشدو دان یئری، چؤل قوشلاری اؤتوردو،
تورونج رنگلی ایشیقلار داغلار باشین اؤپوردو.
یوسون قوخان بیر هاوا آراسلاردان اسیردی،
قاتار اوزون یوللاری منزیل-منزیل کسیردی.
پنجره‌دن باخیردیم یاتار کیمی هر یئره:
آغ اؤرپکلی داغلارا، یاشیل گئیمیش چؤللره،
او پرده‌ده گؤرونن خیالیمین کؤلگه‌سی،
سانکی منه دئییردی: باخ، گؤزللر اؤلکه‌سی!
رؤیالاردا گؤردوگون تیلسیملی پرده‌لر:
بو گۆللنن یوللاردا باهار الی نقش ائدر.
باخ! گۆن دوغور اوزاقدان، آزادلیغین گۆنشی
بو یوللاری ساری‌یان آلتون ایشیقلار دئییل،
آزادلیغین نورودور، شاعیر، حؤرمتله اییل!..
آلقیشلا بو گۆنشی، اولدوزلارین سۆرورین،
بو بوجاقسیز چؤللری، شنلندیرن رهبرین،
رؤیالاردا گؤردوگون جنّت یولو بو یولدور،
بو یول آرزو یولونا چؤنوب گئدن بیر قولدور.
باخ تلقراف تئلینده جیویلدشن قوشلارا،
قارا ایپک پرلره، مین-مینی باشلارا،
اونلار سنه هر بیری یول گؤستریر اوزاقدان
بیلیرلر کی، گلیرسن خوراساندان، عراقدان،
بیلیرلر کی، تبریزدن یاری گئجه کئچمیسن،
سهندین آل جامیندان سرین سولار ایچمیسن.
سؤکولموشدو دان یئری، چؤل قوشلاری اؤتوردو،
تورونج رنگلی ایشیقلار داغلار باشین اؤپوردو.
یوسون قوخان بیر هاوا آراسلاردان اسیردی،
قاتار اوزون یوللاری منزیل-منزیل کسیردی.
پنجره‌دن باخیردیم یاتار کیمی هر یئره:
آغ اؤرپکلی داغلارا، یاشیل گئیمیش چؤللره،
او پرده‌ده گؤرونن خیالیمین کؤلگه‌سی،
سانکی منه دئییردی: باخ، گؤزللر اؤلکه‌سی!
رؤیالاردا گؤردوگون تیلسیملی پرده‌لر:
بو گۆللنن یوللاردا باهار الی نقش ائدر.
باخ! گۆن دوغور اوزاقدان، آزادلیغین گۆنشی
بو یوللاری ساری‌یان آلتون ایشیقلار دئییل،
آزادلیغین نورودور، شاعیر، حؤرمتله اییل!..
آلقیشلا بو گۆنشی، اولدوزلارین سۆرورین،
بو بوجاقسیز چؤللری، شنلندیرن رهبرین،
رؤیالاردا گؤردوگون جنّت یولو بو یولدور،
بو یول آرزو یولونا چؤنوب گئدن بیر قولدور.
باخ تلقراف تئلینده جیویلدشن قوشلارا،
قارا ایپک پرلره، مین-مینی باشلارا،
اونلار سنه هر بیری یول گؤستریر اوزاقدان
بیلیرلر کی، گلیرسن خوراساندان، عراقدان،
بیلیرلر کی، تبریزدن یاری گئجه کئچمیسن،
سهندین آل جامیندان سرین سولار ایچمیسن.