منو
پاییزین ایلک گۆنلری
سارماشیقلار تیتررکن سرین سولار باشیندا،
تک-تک دۆشر اونلارین سارالمیش یارپاقلاری،
هله مئشه یاشیلکن، هله هاوا ایلیقکن،
داغلار باشین قار آلیر، چؤللر اولور ساپ‌ساری.
هله آخشام اولمادان، گۆنش داغدا سؤنمه‌دن،
مووشلین بوز کؤلگه‌سی دره‌لر ایچره ائنیر،
یاشیل ایپک گئییملی آری‌توتان قوشلارین،
هر گۆنکو شن سسلری یای کئچمه‌دن غملنیر.
آخار سولار دورولور، کؤلگه‌لر ده اوزانیر،
ایلیق گۆنده یوللاردان کئچن یورغون یولچولار،
بولاقلارین باشیندا دۆشونجه‌لی اوتوروب،
کؤلگه‌لنن باغلارا اوزاقلاردان باخارلار.
تک-تک دۆشر اونلارین سارالمیش یارپاقلاری،
هله مئشه یاشیلکن، هله هاوا ایلیقکن،
داغلار باشین قار آلیر، چؤللر اولور ساپ‌ساری.
هله آخشام اولمادان، گۆنش داغدا سؤنمه‌دن،
مووشلین بوز کؤلگه‌سی دره‌لر ایچره ائنیر،
یاشیل ایپک گئییملی آری‌توتان قوشلارین،
هر گۆنکو شن سسلری یای کئچمه‌دن غملنیر.
آخار سولار دورولور، کؤلگه‌لر ده اوزانیر،
ایلیق گۆنده یوللاردان کئچن یورغون یولچولار،
بولاقلارین باشیندا دۆشونجه‌لی اوتوروب،
کؤلگه‌لنن باغلارا اوزاقلاردان باخارلار.