منو
سئوگیلیم
من اؤز اسکی سئوگیلیمی تانیرام،
او میصیرده قؽزیللانمیش هئیکلدیر.
او واختیله بیر اینسان تک فانی‌یکن،
ایندی بو گۆن اؤلوم بیلمز گؤزلدیر.
اونون خومار، ایری سیاه گؤزونده،
صحرالاردا یاتان گۆنون نورو وار.
او، فۆسونکار، نادیر گؤزل چیچکدیر،
آنجاق نیلین کناریندا گۆل آچار.
اونون ایری، کامان کیمی قاشلاری،
گؤزل قاشدان نۆمونه‌وی بیر قاشدیر،
او، صنعتین تئلیشلی بیر لؤحونده،
قؽزیل رنگلی، آغیر قیمت بیر داشدیر.
اونون قالین دوداغیندا آتشین،
بوسه‌لرین رنگی هله سولمامیش،
سؤندورمه‌میش ایستی، قورو واحه‌ده،
اونون گۆللو باهارینی قار و قؽش.
نئچه مین ایل اوّل، زۆمرود قصرده،
بۆسات قوروب، شامعدانلاری یاخارمیش،
ظالیم غئیظلی بیر فیرعونو بکلرکن،
پنجره‌نی آچار، نیله باخارمیش.
بیلسم هانسی عاشیق اونون الیندن،
قؽزیل جامدا ایچمیش عشقین باده‌سین،
بیلسم هانسی خوشبخت آیدین گئجه‌لر،
اوزاقلاردان دویموش اونون شن سسین...
بیلسم هانسی یوسیف اونون ساچلارین،
یئلپیک چالیب، یاواش-یاواش اوخشاییب،
بیلسم اونون خۆلیالارین، اسرارین،
بیلسم کیملر او خۆلیادا یاشاییب.
من اؤز اسکی سئوگیلیمی تانیرام،
او، قؽزیلدان تؤکمه گؤزل هئیکلدیر!
بیر اولدوزدور، ابدیت گؤیونده،
شاه اثردیر، هم ده لتافزلدیر...
او میصیرده قؽزیللانمیش هئیکلدیر.
او واختیله بیر اینسان تک فانی‌یکن،
ایندی بو گۆن اؤلوم بیلمز گؤزلدیر.
اونون خومار، ایری سیاه گؤزونده،
صحرالاردا یاتان گۆنون نورو وار.
او، فۆسونکار، نادیر گؤزل چیچکدیر،
آنجاق نیلین کناریندا گۆل آچار.
اونون ایری، کامان کیمی قاشلاری،
گؤزل قاشدان نۆمونه‌وی بیر قاشدیر،
او، صنعتین تئلیشلی بیر لؤحونده،
قؽزیل رنگلی، آغیر قیمت بیر داشدیر.
اونون قالین دوداغیندا آتشین،
بوسه‌لرین رنگی هله سولمامیش،
سؤندورمه‌میش ایستی، قورو واحه‌ده،
اونون گۆللو باهارینی قار و قؽش.
نئچه مین ایل اوّل، زۆمرود قصرده،
بۆسات قوروب، شامعدانلاری یاخارمیش،
ظالیم غئیظلی بیر فیرعونو بکلرکن،
پنجره‌نی آچار، نیله باخارمیش.
بیلسم هانسی عاشیق اونون الیندن،
قؽزیل جامدا ایچمیش عشقین باده‌سین،
بیلسم هانسی خوشبخت آیدین گئجه‌لر،
اوزاقلاردان دویموش اونون شن سسین...
بیلسم هانسی یوسیف اونون ساچلارین،
یئلپیک چالیب، یاواش-یاواش اوخشاییب،
بیلسم اونون خۆلیالارین، اسرارین،
بیلسم کیملر او خۆلیادا یاشاییب.
من اؤز اسکی سئوگیلیمی تانیرام،
او، قؽزیلدان تؤکمه گؤزل هئیکلدیر!
بیر اولدوزدور، ابدیت گؤیونده،
شاه اثردیر، هم ده لتافزلدیر...