یول وئر کئچیم

تؤکولسون سولارین اۆزونه،
آغاجلاردان قوپان یارپاقلار،
قوی باغچانین، باغین خیرمنی،
سوورولسون و اولسون تاریمار...

باهار یاشیللیغی، بو سویوق،
قارا تورپاقلارا نه گرک،
بو چؤللرده بیتن تیکانلار؟
بسلرمی باغریندا گۆل-چیچک؟

ایچ، دهرین زهرلی مئییندن،
یانسین جیگرلرین، دوداغین!
اؤلومون هوسکارلی الی قوی،
قؽرسین عؤمرون یاشیل بوداغین.

قوی قوشلار اوچسونلار... سسله‌مه!
مرموز اؤلکه‌لره گئدنی...
یول وئر کئچیم، گؤزل!.. آخشامدیر،
آخشامدیر... ساخلاما سن منی...