ایشچی

ایستی گۆنده بوغدا اکدین،
یولدان کئچن کاروانلارا
ساتدین فیرعون...
سال داشلاردان اهرام تیکدین،
بو دۆنیادان کؤچر ایکن،
سۆد گؤلونده یاتسین فیرعون.
تخت قاییردین سولطانلارا،
اولسون بیر گۆن:
قؽزین کنیز، اوغلون غولام.
گۆموش، آلتون قندیل‌لرله،
معبدلری ایشیقلاتدین.
«اون فرمانی» — تانری سؤزون،
یازسین خاخام...
زنجیر، زیندان قاییردین کی،
یولداشلارین زنجیرلنسین.
باغ بئجرتدین، اۆزومونو،
سحر، آخشام خانلار یئسین!
آغلامادین!
یالان سؤزه ایناناسان!
خنجر، قؽلینج قاییردین کی،
مئیدانلاردا تؤکولسون قان.
کهریز قازدین ارباب اۆچون،
بوستانلیغین سوسوز قالسین.
باشماق تیکدین خانیملارا،
اؤزون گزدین آیاقیالین.

کؤچوب گئتدین چالوسا کی،
توخویاسان گۆللو ایپک.
توی-دۆگونده شاه قؽزینا،
ملیکه‌یه اولسون بزک.
قارا یئرین گؤبگیندن،
فؽشقیراندا قارا آلتون،
سن چالیشدین گئجه-گۆندوز،
یهودیلر یاندیرسینلار،

عربلرین یورد-یوواسین.
قویمادیلار، درس اوخویوب،
آیدینلاشیب آنلایاسان.
آچ گؤزونو، قارداش، بیر باخ!
کلک قوروب یولدا دۆشمان!
نه واختادک سنی قارداش،
افسانه‌لر یوخولاداجاق؟
دور آیاغا!
قویما، چؤلدن اسن یئلله
سؤنسون اوجاق!