قورخما، بو ماوی گؤی آلتیندا یانان گۆنشین،
و اۆفوقلرده گۆلن آل شفقین سؤنمهیهجک.
ایلک باهارینا آچاجاق گۆل، اؤتجک بۆلبوللر،
دۆنیامیز بیر ده بو عالمده خزان گؤرمهیهجک.
دۆنیا دوردوقجا سهندین اوجا بۆرجونده یانان،
اول گۆموش رنگلی آی یوللاری آیدینلاشدیراجاق،
آخاجاق نهرلرین، هم آچاجاق لالهلرین،
بیر ده ائولرده اینان سؤنمهیهجک اود و اوجاق.
ای منیم شانلی ائلیم، حور وطنیم، آل گۆنشیم،
آینا تک پارلاق اۆفوق، دریا تکین چرخ اسیر.
ای قادینلار، آنالار، بیرجه آچین پنجرهنی،
صبح آچیلماقدادی، صبحون یئلی داغلاردان اسیر...