قووالا دۆشمانلاری!

قارانلیق ایچره قارداشام،
هله گیزلنیبدیر قؽزیل گۆن.
باخ، بوغسا دا سنی قارانلیق،
قؽرمیزی سحری بیر دۆشون.

زمانه‌نین توتقون سحری
بیزلره دئییر کی، — گل بری.
یئتر داخمالاردا چکدیگین
سؽخینتیلار، دردلر نه اۆچون؟
آیاقلاریندا وار زنجیرلر،
نه‌دندیر اولوبسان دربه‌در؟

سنین امگینله بزنیر
الوان ایپکلرله لالزار.
اوددوغون قانلاردیر کی، وزیر
ساراییندا قؽزیل گۆل آچار...
جنّت باغ ایچره تیکدیگین
سارایلاردا یاتار هر زنگین.
توزلو، یؽرتیق چادیر چؤللرده
آغیز آچیب سنی چاغیرار.
نسیم زنگینلری اوخشارکن
آغ یئل چادیرینی قاباردار.
یئتر او توتدوغون اول قان، قوروم،
قازدیغین قویو بیر اوچوروم.
گؤی سولار اۆستونده چؽرپینان
سنسن پولاد کیمی یارادان.
سنین اوددوغون توز، تورپاقلار...
قؽزیل، گۆموش اولوب توپلانار...
گئجه سونا چاتیب، گۆندوزدور،
حقاییق یولو باخ، دۆم-دۆزدور...
قورسانلاری یورددان چؽخاردیب،
قووالا، قووالا، سویا تؤک،
آلقیشلاسین سنی ماوی گؤی.