قار یاغاراق دۆنیا آچمیش آغ چیچک
نه قویون وار اوتلاقلاردا، نه اینک.
دییرمانی آخار سولار فؽرلادیر،
سویون سسی آغاجلاری یوخلادیر.
ایچریسی دییرمانین توتقوندور،
هر یئر آغدیر، تاوان، تاخچا، دام اوندور.
قؽزیل گۆنش یانیرسا دا باجادا
سؽنیق لامپا تۆستولهییر تاخجادا.،
بیر بوجاقدا جؽندیر یاتاق سالیبلار.
ایکی کؤرپه کور یوخویا دالیبلار.
اونلار توزلو دییرماندا دوغولوب،
گۆل آچمادان اؤز قؽنیندا بوغولوب.
کیچیکلیکده اولورسالار دربهدر،
بؤیویرک بیر گۆن... گئدرلر.
شوربا یئییب، بیت ایچینده یاشارلار
داغی، داشی آشارلار.
کئشیک چکیب سارایلارین اؤنونده،
جاوانلیقدا یاشارلار ایت کؤکونده...
قاییدارکن کنده یئری اکرلر،
مئشهلردن قورو اودون چکرلر.
آروادلارین قورویارکن اربابدان
اۆزلرینه آغیز آچار کور زیندان.