مندن سلام دئیین گؤزل تبریزه!

پئیغام

شفقلرده اوچان آخشام قوشلاری،
مندن سلام دئیین گؤزل تبریزه.
قاتار ایله گئدن وطنه ساری،
آرخاداشلار! بیر باش وورون دا بیزه.

آچین منیم تاختا، سؽنیق قاپیمی،
گؤرون عزیز آنام یولدان گلدیمی؟
اوشاقلاریم گؤرون، اونوتموش غمی؟
یوخسا اؤلوم، آجلیق وئریب دیز-دیزه؟

بوراخمایین ائویم نمدن چۆروسون،
قویون صبا توزلارینی سۆپورسون...
قؽزیل گۆنون نورو اونو بۆروسون
توخونمایین بنؤوشه‌یه، نرگیزه...

دومان چؤکوب اۆفوقلری قاراتدی،
منه غۆربت بیر جهنم یاراتدی...
خزان یئلی باغچامیزی ساراتدی،
داها نه‌لر دئییم؟ دوستلار من سیزه...