منو
یولچو
نه بوران وار، نه دومان،
قارلار اۆسته قؽزیل قان.
شاختا کسیر قؽلینج تک
داغدان اسیر سرت کۆلک.
مئشه‌لیکلر ایچ-ایچه،
چاییرلار اولموش کئچه.
داغ اۆسته آی قونموشدور،
آی شاختادان دونموشدور.
آیدا، داغدا حیات یوخ،
جانلیلارین دردی چوخ.
آی ایشیغی آینادیر،
کؤلگه‌لری اوینادیر.
یولچو یولدا قالیبدیر،
یولا کؤلگه سالیبدیر.
بیر کندلیدیر، سایاندان،
اوزاق دۆشموش کارواندان.
لۆتدور، آجدیر، چوخ آریق،
آیاغیندا وار چاریق...
قارلی داغدان یئل اسیر،
شاختا قؽلینج تک کسیر.
قوردلار، قوشلار یووادا
بیر حئیوان یوخ اوبادا.
مئشه‌لیکده قورد اولور،
بودور، اؤلوم اوو بولور.
او قوردلارلا دالاشمیش،
قوردلار اؤنوندن قاچمیش.
یاراسیندان آخیر قان،
بوزارمیشدیر سویوقدان.
هر یئر ایشیق، هر یئر آغ،
عؤمور قؽسا، یول اوزاق.
ایستی ائوده بگ، خانلار،
جام آردیندان باخانلار،
بئله آیدان خوشلانیر
یئری بیر جنّت سانیر.
بیر چوخ رسّام اولانلار
اینجه فیکره دالانلار،
بلکه قالین مئشه‌دن
قارلی، آیدین گئجه‌دن
گؤزل شکیل چکرلر،
قؽزیل شراب ایچرلر.
کۆرک ایچینده اوتوران،
شعر قوشوب، ساز چالان
خیالپرست شاعیرلر
آیا باخیب سؤز دئیر.
گؤرر داغا آی قونموش،
آی اؤنوندن اوچور قوش.
گؤرر بولود قار ساچیر،
سانکی آغاج گۆل آچیر.
گئجه بیر قوش سس سالیر،
کۆلک اسیب ساز چالیر.
بودور، اوزاق بیر کندده،
یولدان ایراق بیر کندده
ساری ایشیق گؤرونور،
یولچو بودور دۆشونور:
کیملر اؤلموش؟ کیملر ساغ؟
آمان الله، یول اوزاق.
تندیر یانیر، بیشیر آش،
گلمیش قوناق، یار، یولداش،
آنام منی گؤزله‌ییر،
قؽزیم منی گؤزله‌ییر،
یقین یئرلر بؤلونموش
بخت اولدوزو گؤرونموش.
بیرجه قانیم آخماسا،
قارا اؤلوم چاتماسا...
قارلار اریر، چای داشار،
باشیمیزدان گۆن آشار.
باغلاریمیز گۆللنر،
سحر اولار، گۆن دؤنر.
تارلا بیزیم، باغ بیزیم،
چؤرک بیزیم، یاغ بیزیم.
نه بوران وار، نه دومان،
یاراسیندان آخیر قان.
یولدان ایشیق گؤرونور،
گؤزو یاشلا بۆرونور.
بودور، ایتلر هۆرورلر،
قوردلار اونو گؤرورلر...
آی مئشه‌ده سولمویور،
نه‌دن سحر اولمویور؟
دومان توتموش هر یئری،
کیملر اؤلموش؟ کیم دیری؟
قوردلار گئجه اولاشمیش،
قارلار قانا بولاشمیش.
قوشلار یئمک آختاریر،
بیر شئی یولدا بوزاریر.
قارلار اۆسته قؽزیل قان.
شاختا کسیر قؽلینج تک
داغدان اسیر سرت کۆلک.
مئشه‌لیکلر ایچ-ایچه،
چاییرلار اولموش کئچه.
داغ اۆسته آی قونموشدور،
آی شاختادان دونموشدور.
آیدا، داغدا حیات یوخ،
جانلیلارین دردی چوخ.
آی ایشیغی آینادیر،
کؤلگه‌لری اوینادیر.
یولچو یولدا قالیبدیر،
یولا کؤلگه سالیبدیر.
بیر کندلیدیر، سایاندان،
اوزاق دۆشموش کارواندان.
لۆتدور، آجدیر، چوخ آریق،
آیاغیندا وار چاریق...
قارلی داغدان یئل اسیر،
شاختا قؽلینج تک کسیر.
قوردلار، قوشلار یووادا
بیر حئیوان یوخ اوبادا.
مئشه‌لیکده قورد اولور،
بودور، اؤلوم اوو بولور.
او قوردلارلا دالاشمیش،
قوردلار اؤنوندن قاچمیش.
یاراسیندان آخیر قان،
بوزارمیشدیر سویوقدان.
هر یئر ایشیق، هر یئر آغ،
عؤمور قؽسا، یول اوزاق.
ایستی ائوده بگ، خانلار،
جام آردیندان باخانلار،
بئله آیدان خوشلانیر
یئری بیر جنّت سانیر.
بیر چوخ رسّام اولانلار
اینجه فیکره دالانلار،
بلکه قالین مئشه‌دن
قارلی، آیدین گئجه‌دن
گؤزل شکیل چکرلر،
قؽزیل شراب ایچرلر.
کۆرک ایچینده اوتوران،
شعر قوشوب، ساز چالان
خیالپرست شاعیرلر
آیا باخیب سؤز دئیر.
گؤرر داغا آی قونموش،
آی اؤنوندن اوچور قوش.
گؤرر بولود قار ساچیر،
سانکی آغاج گۆل آچیر.
گئجه بیر قوش سس سالیر،
کۆلک اسیب ساز چالیر.
بودور، اوزاق بیر کندده،
یولدان ایراق بیر کندده
ساری ایشیق گؤرونور،
یولچو بودور دۆشونور:
کیملر اؤلموش؟ کیملر ساغ؟
آمان الله، یول اوزاق.
تندیر یانیر، بیشیر آش،
گلمیش قوناق، یار، یولداش،
آنام منی گؤزله‌ییر،
قؽزیم منی گؤزله‌ییر،
یقین یئرلر بؤلونموش
بخت اولدوزو گؤرونموش.
بیرجه قانیم آخماسا،
قارا اؤلوم چاتماسا...
قارلار اریر، چای داشار،
باشیمیزدان گۆن آشار.
باغلاریمیز گۆللنر،
سحر اولار، گۆن دؤنر.
تارلا بیزیم، باغ بیزیم،
چؤرک بیزیم، یاغ بیزیم.
نه بوران وار، نه دومان،
یاراسیندان آخیر قان.
یولدان ایشیق گؤرونور،
گؤزو یاشلا بۆرونور.
بودور، ایتلر هۆرورلر،
قوردلار اونو گؤرورلر...
آی مئشه‌ده سولمویور،
نه‌دن سحر اولمویور؟
دومان توتموش هر یئری،
کیملر اؤلموش؟ کیم دیری؟
قوردلار گئجه اولاشمیش،
قارلار قانا بولاشمیش.
قوشلار یئمک آختاریر،
بیر شئی یولدا بوزاریر.