منو
گئجه‌نین سسی
تیتره‌دیر چؽراغی یئلین نفسی،
اوجالیر باغلاردان گئجه‌نین سسی.
آغاجلار آردیندان گؤی ایشیقلانیر،
یاریلیر چینارین ایپک پرده‌سی.
او یاری گئجه‌ده گۆللنن مهتاب،
اوزاق اۆفوقلرده آچیر بیر سراب.
دونوق سولاردا آی پارچالاری
گۆموش بیلکلر تک چؽرپینیر بیتاب.
گئجه‌نین سۆکوتو آرتیریر غمی،
آیین ایشیغیندا بیر خیال کیمی.
بیر قوش قاناد چالیر، سسلنیر او قوش
بو گئجه یاری‌سی چاغیریر کیمی؟
او قوش سئودالارین عکسی اولماسین،
او سس خۆلیالارین سسی اولماسین،
او دا آرزولاریم، اۆمیدیم کیمی
بو غملی گئجه‌ده سؤنوب سولماسین.
اوجالیر باغلاردان گئجه‌نین سسی.
آغاجلار آردیندان گؤی ایشیقلانیر،
یاریلیر چینارین ایپک پرده‌سی.
او یاری گئجه‌ده گۆللنن مهتاب،
اوزاق اۆفوقلرده آچیر بیر سراب.
دونوق سولاردا آی پارچالاری
گۆموش بیلکلر تک چؽرپینیر بیتاب.
گئجه‌نین سۆکوتو آرتیریر غمی،
آیین ایشیغیندا بیر خیال کیمی.
بیر قوش قاناد چالیر، سسلنیر او قوش
بو گئجه یاری‌سی چاغیریر کیمی؟
او قوش سئودالارین عکسی اولماسین،
او سس خۆلیالارین سسی اولماسین،
او دا آرزولاریم، اۆمیدیم کیمی
بو غملی گئجه‌ده سؤنوب سولماسین.