قوربانلیق

گنج آذربایجانلی یازیچی
صمد بهرنگی آرازدا اۆزرکن بوغولدو.

یایین ایستی بیر گۆنونده،
داغدان غمگین گۆنش دوغدو.
هله او گۆن گۆن باتمادان
بهرنگینی آراز بوغدو.

یاییلدی بیر کؤلگه سودا،
سولار آشدی، چاتمالاندی.
آراز اؤزون بیر یئل سانیب،
بهرنگینی قوربان ساندی.

او زامان کی، باغچالاردان،
قوشلار اوچدو، گۆل الندی.
آراز اوددو قوربانلیغی،
قؽزیل سولار حلقه‌لندی.

اوزاقلاردان آخیب گلن،
آراز اوغلون قوجاقلادی.
قارا یئرده یاتدی صمد،
سئل آغلادی، ائل آغلادی.

بهرنگینی یاد ائدرکن
جان اودلانار، اۆرک یانار.
داستانلارین اوخویانلار،
حؤرمت ایله اونو آنار.

ظۆلمت چؤکسه اۆفوقلره،
یئنه گۆنون رنگی قالار.
یۆروش ائتسه شاختا، بوران،
اونودولماز گۆللو باهار.