منو
ماهنیلار
داغلار داشدی، قایادی،
گۆن اۆفوقو بویادی.
بیزیم ائللر سئورلر
هم آشنانی، هم یادی.
ایستر باهار، ایستر قؽش،
داغا وورار مین ناخیش.
دۆنیا گؤرموش سرابسا،
گنجلیک قؽزیل رؤیامیش.
عزیزیم ائی، گۆن باتدی،
گئجه گلدی یئل یاتدی،
یوسیف کیمی ایگیدی
بیر یوماغا کیم ساتدی؟
قار، آغ گۆللو چمندیر،
تانری، بیر قار الندیر.
قار زنگینه ایپکسه
یوخسوللارا کفندیر.
گئجه ظۆلمت، منزیل دار،
قاپی-باجا قاردیر، قار.
اؤلوم، قاپی آچیقدیر
چؽلپاقلاری گل آپار.
ایشیق یوخدور فلکده،
اون قالمامیش الکده،
قارا اؤلوم گلیبدی
قاپیلاری دؤیمکده.
لامپادا یاغ قالماییر،
شاعیر فیکره دالماییر.
آی دۆنیایی بزه‌سه
بیزه ایشیق سالماییر.
یاد بزه‌دی اوردوسون،
قؽرغین سالیب تؤکدو خون.
فلک، چرخین قؽریلسین
گۆنش، اودون سوووسون.
قؽرپیق گؤزه اوخ دیر،
نادان بۆته باش ایر،
تۆلکو قورددان قورخاندا
قویروغونو ترپدر.
بو دۆنیانی آی بزر،
سودا ایشیقلار گزر.
بعضاً ظۆلمت ایچینده
کؤنول آیدینلیق سئزر.
قایالار یالچین-یالچین،
سئل سویو آخین-آخین،
اوچوروم آغیز آچیب:
آتینی سۆرمه، ساکین!
ساهیر گئجه یاتمازمیش،
او، ائلینی آتمازمیش،
خلقین ایستی آشینا
سویوق سولار قاتمازمیش.
***
آنالار قارا گئییب،
بزنیب شاه آروادی.
ائل-اوبا یاس ایچینده،
توی-دۆگون سارایدادی.
قوپوبدور قارا توفان،
ایستیدیر قورخونج تهران.
بیر نئچه اؤلوم حؤکمو،
ایمضالاییر نامرد سولطان.
آی سؤندو، اولدوز باتدی،
کاروان یۆکونو چاتدی.
نامردلر بیر گئجه‌ده،
وطنی یادا ساتدی.
یۆکسلمز، مدح ائتسه‌لر،
شاعیرلر بیر او باشی،
نامردین قولو قولدور،
گۆنشه چاتسا باشی.
اولدوزلار گۆموش خالدی،
آی سویا ایشیق سالدی.
گؤزله‌دیم، گلمه‌دی یار،
گؤزلریم یولدا قالدی.
کئچدی سون غملی گئجه،
اولدوزلار دا باتدیلار.
دان یئری ایشیقلاندی،
محکومو اویاتدیلار...
***
قار اریدی، آخار سولار لیللندی،
چای-چمنده اؤجک-بؤجک دیللندی.
باغ-باغچادا یئنه بادام گۆللندی،
هانی یوردلار، هانی ائللر، هانی یار؟
کیم آلنینا قارا یازی یازاندی؟
آز عؤمورده قاری گۆنلر اوزاندی.
بورا غۆربت، نه «لاله»، «شامقازان»دی"
هانی یوردلار، هانی ائللر، هانی یار؟
گۆن قؽزاردی، سولار اولدو زرنیگار،
داشدان-داشا چالدی بیزی رۆزیگار.
یاغیش یاغدی، یئنه گلدی ایلک باهار.
هانی یوردلار، هانی ائللر، هانی یار؟
ایللر بویو ظۆلم گؤردوک قولاق آس،
اسیر اولدوق، توی دۆگونلر اولدو یاس.
بویونداکی زنجیرلری باسدی پاس،
هانی یوردلار، هانی ائللر، هانی یار؟
هانکی اوجاق کئچدی، هانکی اودلاندی؟
شعر، غزل دفترلری توزلاندی.
دئمک، «اینسان حۆقوقلاری» یالاندی!
هانی یوردلار، هانی ائللر، هانی یار؟
قار اریدی، سئل سولاری آتلاندی،
دلی کؤنلوم هر دردلره قاتلاندی.
یازیق جیسمیم ایینه‌لره ساپلاندی...
هانی یوردلار، هانی ائللر، هانی یار؟
***
اکینچی علی‌یله داغ اتگینده
پاییزدا اکیلن جاوان گیله‌نار.
باهاردا بسلر بار، آغ چیچگینده
یایدا مئیوه وئرر قؽرمیزی گیله‌نار.
چکیلن امکله آچیلار گۆللر،
دالغالانار چؤلده ساری سۆنبوللر،
باغلاردا گؤیرن عطیرلی گۆلپر
آیدینلادیب گؤزو، کؤنولو اوخشار.
پالچیق داخمالاردا بؤیوین قؽزلار،
یابانی چیچکلر، ساری اولدوزلار،
یاغیشلی پاییزلار، گۆنشلی یازلار،
بو قارا تورپاغی ائدرلر گۆلزار.
اونلار کی، دۆنیادان چوخ تئز کؤچرلر،
خؽرمانلاری دؤیوب، بوغدا بیچرلر،
قارا چؤرک یئییب، شور سو ایچرلر،
بیر گۆن کور یوخودان اولارلار بیدار.
سحر نسیمیله گۆللنن اوتلاق،
چمنده آچیلان سوسنی، زانباق،
دۆنیانی بزه‌ین امکدیر، آنجاق،
اولمازسا قارا قؽش، گۆللنمز باهار.
***
داغلار داشدی، قایادی، گۆن اۆفوقو بویادی،
بیزیم ائللر سئورلر هم آشنانی، هم یادی.
ایستر باهار، ایستر قؽش، داغا وورار مین ناخیش،
دۆنیا گؤرموش سرابسا گنجلیک قؽزیل رؤیایمیش.
عزیزیم، ائی گۆن باتدی، گئجه گلدی، یئل یاتدی،
یوسیف کیمی ایگیدی، بیر یوماغا کیم ساتدی؟
قار آغ گۆللو چمندیر، تانری بیر قار الندیر!
قار زنگینه ایپکسه، یوخسوللارا کفندیر.
گئجه ظۆلمت، منزیل دار، قاپی-باجا قاردیر، قار،
اؤلوم، قاپی آچیقدیر: — چؽپلاقلاری گل آپار.
ایشیق یوخدور فلکده، اون قالمامیش الکده،
قارا اؤلوم گلیبدی، قاپیلاری دؤیمکده.
لامپادا یاغ قالماییر، شاعیر فیکره دالماییر،
آی دۆنیانی بزه‌سه، بیزه ایشیق سالماییر.
یاد بزه‌دی اوردوسون، قؽرغین سالیب، تؤکدو خون!
فلک، چرخین قؽریلسین! گۆنش اودون سوووسون!
قؽرپیق گؤزه اوخ دیر، نادان بۆته باش ایر،
تۆلکو قورددان قورخاندا، قویروغونو ترپدر.
ساهیر گئجه یاتمازمیش، او ائلینی آتمازمیش،
خلقین ایستی آشینا، سویوق سولار قاتمازمیش.
بو دۆنیانی آی بزر، سودا ایشیقلار گزر،
بعضاً ظۆلمت ایچینده، کؤنول آیدینلیق سئزر.
قایالار یالچین-یالچین، سئل سویو آخین-آخین،
اوچوروم آغیز آچیب، آتینی سۆرمه، ساکین!
گۆن اۆفوقو بویادی.
بیزیم ائللر سئورلر
هم آشنانی، هم یادی.
ایستر باهار، ایستر قؽش،
داغا وورار مین ناخیش.
دۆنیا گؤرموش سرابسا،
گنجلیک قؽزیل رؤیامیش.
عزیزیم ائی، گۆن باتدی،
گئجه گلدی یئل یاتدی،
یوسیف کیمی ایگیدی
بیر یوماغا کیم ساتدی؟
قار، آغ گۆللو چمندیر،
تانری، بیر قار الندیر.
قار زنگینه ایپکسه
یوخسوللارا کفندیر.
گئجه ظۆلمت، منزیل دار،
قاپی-باجا قاردیر، قار.
اؤلوم، قاپی آچیقدیر
چؽلپاقلاری گل آپار.
ایشیق یوخدور فلکده،
اون قالمامیش الکده،
قارا اؤلوم گلیبدی
قاپیلاری دؤیمکده.
لامپادا یاغ قالماییر،
شاعیر فیکره دالماییر.
آی دۆنیایی بزه‌سه
بیزه ایشیق سالماییر.
یاد بزه‌دی اوردوسون،
قؽرغین سالیب تؤکدو خون.
فلک، چرخین قؽریلسین
گۆنش، اودون سوووسون.
قؽرپیق گؤزه اوخ دیر،
نادان بۆته باش ایر،
تۆلکو قورددان قورخاندا
قویروغونو ترپدر.
بو دۆنیانی آی بزر،
سودا ایشیقلار گزر.
بعضاً ظۆلمت ایچینده
کؤنول آیدینلیق سئزر.
قایالار یالچین-یالچین،
سئل سویو آخین-آخین،
اوچوروم آغیز آچیب:
آتینی سۆرمه، ساکین!
ساهیر گئجه یاتمازمیش،
او، ائلینی آتمازمیش،
خلقین ایستی آشینا
سویوق سولار قاتمازمیش.
***
آنالار قارا گئییب،
بزنیب شاه آروادی.
ائل-اوبا یاس ایچینده،
توی-دۆگون سارایدادی.
قوپوبدور قارا توفان،
ایستیدیر قورخونج تهران.
بیر نئچه اؤلوم حؤکمو،
ایمضالاییر نامرد سولطان.
آی سؤندو، اولدوز باتدی،
کاروان یۆکونو چاتدی.
نامردلر بیر گئجه‌ده،
وطنی یادا ساتدی.
یۆکسلمز، مدح ائتسه‌لر،
شاعیرلر بیر او باشی،
نامردین قولو قولدور،
گۆنشه چاتسا باشی.
اولدوزلار گۆموش خالدی،
آی سویا ایشیق سالدی.
گؤزله‌دیم، گلمه‌دی یار،
گؤزلریم یولدا قالدی.
کئچدی سون غملی گئجه،
اولدوزلار دا باتدیلار.
دان یئری ایشیقلاندی،
محکومو اویاتدیلار...
***
قار اریدی، آخار سولار لیللندی،
چای-چمنده اؤجک-بؤجک دیللندی.
باغ-باغچادا یئنه بادام گۆللندی،
هانی یوردلار، هانی ائللر، هانی یار؟
کیم آلنینا قارا یازی یازاندی؟
آز عؤمورده قاری گۆنلر اوزاندی.
بورا غۆربت، نه «لاله»، «شامقازان»دی"
هانی یوردلار، هانی ائللر، هانی یار؟
گۆن قؽزاردی، سولار اولدو زرنیگار،
داشدان-داشا چالدی بیزی رۆزیگار.
یاغیش یاغدی، یئنه گلدی ایلک باهار.
هانی یوردلار، هانی ائللر، هانی یار؟
ایللر بویو ظۆلم گؤردوک قولاق آس،
اسیر اولدوق، توی دۆگونلر اولدو یاس.
بویونداکی زنجیرلری باسدی پاس،
هانی یوردلار، هانی ائللر، هانی یار؟
هانکی اوجاق کئچدی، هانکی اودلاندی؟
شعر، غزل دفترلری توزلاندی.
دئمک، «اینسان حۆقوقلاری» یالاندی!
هانی یوردلار، هانی ائللر، هانی یار؟
قار اریدی، سئل سولاری آتلاندی،
دلی کؤنلوم هر دردلره قاتلاندی.
یازیق جیسمیم ایینه‌لره ساپلاندی...
هانی یوردلار، هانی ائللر، هانی یار؟
***
اکینچی علی‌یله داغ اتگینده
پاییزدا اکیلن جاوان گیله‌نار.
باهاردا بسلر بار، آغ چیچگینده
یایدا مئیوه وئرر قؽرمیزی گیله‌نار.
چکیلن امکله آچیلار گۆللر،
دالغالانار چؤلده ساری سۆنبوللر،
باغلاردا گؤیرن عطیرلی گۆلپر
آیدینلادیب گؤزو، کؤنولو اوخشار.
پالچیق داخمالاردا بؤیوین قؽزلار،
یابانی چیچکلر، ساری اولدوزلار،
یاغیشلی پاییزلار، گۆنشلی یازلار،
بو قارا تورپاغی ائدرلر گۆلزار.
اونلار کی، دۆنیادان چوخ تئز کؤچرلر،
خؽرمانلاری دؤیوب، بوغدا بیچرلر،
قارا چؤرک یئییب، شور سو ایچرلر،
بیر گۆن کور یوخودان اولارلار بیدار.
سحر نسیمیله گۆللنن اوتلاق،
چمنده آچیلان سوسنی، زانباق،
دۆنیانی بزه‌ین امکدیر، آنجاق،
اولمازسا قارا قؽش، گۆللنمز باهار.
***
داغلار داشدی، قایادی، گۆن اۆفوقو بویادی،
بیزیم ائللر سئورلر هم آشنانی، هم یادی.
ایستر باهار، ایستر قؽش، داغا وورار مین ناخیش،
دۆنیا گؤرموش سرابسا گنجلیک قؽزیل رؤیایمیش.
عزیزیم، ائی گۆن باتدی، گئجه گلدی، یئل یاتدی،
یوسیف کیمی ایگیدی، بیر یوماغا کیم ساتدی؟
قار آغ گۆللو چمندیر، تانری بیر قار الندیر!
قار زنگینه ایپکسه، یوخسوللارا کفندیر.
گئجه ظۆلمت، منزیل دار، قاپی-باجا قاردیر، قار،
اؤلوم، قاپی آچیقدیر: — چؽپلاقلاری گل آپار.
ایشیق یوخدور فلکده، اون قالمامیش الکده،
قارا اؤلوم گلیبدی، قاپیلاری دؤیمکده.
لامپادا یاغ قالماییر، شاعیر فیکره دالماییر،
آی دۆنیانی بزه‌سه، بیزه ایشیق سالماییر.
یاد بزه‌دی اوردوسون، قؽرغین سالیب، تؤکدو خون!
فلک، چرخین قؽریلسین! گۆنش اودون سوووسون!
قؽرپیق گؤزه اوخ دیر، نادان بۆته باش ایر،
تۆلکو قورددان قورخاندا، قویروغونو ترپدر.
ساهیر گئجه یاتمازمیش، او ائلینی آتمازمیش،
خلقین ایستی آشینا، سویوق سولار قاتمازمیش.
بو دۆنیانی آی بزر، سودا ایشیقلار گزر،
بعضاً ظۆلمت ایچینده، کؤنول آیدینلیق سئزر.
قایالار یالچین-یالچین، سئل سویو آخین-آخین،
اوچوروم آغیز آچیب، آتینی سۆرمه، ساکین!