منو
بیزیم محله
گۆن بویارکن داغی، قاپی آچیلار،
پالچیق دیوار آردی گؤرونر باهار.
گئجه‌یلن آچیلمیش مخمری گۆللر،
یارپاقلار ایچیندن اۆزومه گۆلر.
بوراسی قؽزیل سو، بیزیم یوردوموز،
تبریزین گؤزونده ایشیقلی اولدوز.
سحری آیدین و شفقی رنگین،
یاشیل باغچالاری بیر جنّت تکین.
پنجره آچیلار، ترپنیر پرده،
آللی-پوللو گلین ائیله‌ییر خنده.
چؽراق کیمی یانیر هر سحر چاغی
سولاییب سۆپورور، دامی، اوتاغی.
بۆرونج سماوارا اود سالیر، سونرا
بستی گؤتوروب و گئدیر باییرا.
مسجید آنباریندان سرین سو داشیر،
گۆن دۆشور اۆزونه، گؤزو قاماشیر.
کیلیمی دؤشه‌ییر، آچیر سۆفره‌نی،
اینجه بیر سس ایله چاغیریر منی.
گۆن یاییلاندا و بوستاندا گاه-گاه،
اونو گؤزتله‌ییر قورولو دزگاه.
او جئجیم توخویور، قؽراغی چین-چین،
بیر تیکه چؤرکله یاشاماق اۆچون.
گلین گئجه-گۆندوز چالیشیر، اما،
ایینی بزنمیر، زنگین اولمور دا.
گۆن بویامیر آرتیق داغی، دره‌نی،
گلین چاغیرماییر بیر داها منی
بوراسی قؽزیل سو خارابا دیار،
خارابا دیاردا کؤنولمو آچار؟
مخمری گۆللر آه، پاییزلا سولوب،
سازلی-سؤزلو ائوه ماتملر دولوب.
پالچیق دیوار آردی گؤرونر باهار.
گئجه‌یلن آچیلمیش مخمری گۆللر،
یارپاقلار ایچیندن اۆزومه گۆلر.
بوراسی قؽزیل سو، بیزیم یوردوموز،
تبریزین گؤزونده ایشیقلی اولدوز.
سحری آیدین و شفقی رنگین،
یاشیل باغچالاری بیر جنّت تکین.
پنجره آچیلار، ترپنیر پرده،
آللی-پوللو گلین ائیله‌ییر خنده.
چؽراق کیمی یانیر هر سحر چاغی
سولاییب سۆپورور، دامی، اوتاغی.
بۆرونج سماوارا اود سالیر، سونرا
بستی گؤتوروب و گئدیر باییرا.
مسجید آنباریندان سرین سو داشیر،
گۆن دۆشور اۆزونه، گؤزو قاماشیر.
کیلیمی دؤشه‌ییر، آچیر سۆفره‌نی،
اینجه بیر سس ایله چاغیریر منی.
گۆن یاییلاندا و بوستاندا گاه-گاه،
اونو گؤزتله‌ییر قورولو دزگاه.
او جئجیم توخویور، قؽراغی چین-چین،
بیر تیکه چؤرکله یاشاماق اۆچون.
گلین گئجه-گۆندوز چالیشیر، اما،
ایینی بزنمیر، زنگین اولمور دا.
گۆن بویامیر آرتیق داغی، دره‌نی،
گلین چاغیرماییر بیر داها منی
بوراسی قؽزیل سو خارابا دیار،
خارابا دیاردا کؤنولمو آچار؟
مخمری گۆللر آه، پاییزلا سولوب،
سازلی-سؤزلو ائوه ماتملر دولوب.