کند ماهنیلاری

چؽخ داغ آردیندان قؽزیل گۆن،
یوردسوز قالانی بیر دۆشون!
دۆنیانی قؽزدیر، اریت قار،
قویما کؤرپه‌لر اۆشوسون!

داشما چای! داشما، بیر چکین،
یول اۆستونده وار باغ، اکین.
داشما، کندلری یؽخما سن!
خالق ایتیرمه‌سین امگین.

ای بؤیوک تانری، ای پدر!
قوی یورددان چؽخسین تۆستولر...
سؤندورمه شامعی، اوجاغی،
ائللر اولماسین دربه‌در.

یولونو کس دۆشمنین،
بوراخ گۆنشی، ائت آیدین.
بو یئرلری گۆللندیرن
مین کیشیدیر، مین قادین.