منو
کئچن گۆنلر
او گۆنلر کی، سارماشیقلار دیواردان،
ساچلارینی بیزیم باغا تؤکردی.
او گۆنلر کی، سون باهارین گۆنشی
بولودلاردان ایشیق داغا چکردی.
او گۆنلر کی، سولار ایپک پرده‌ده،
آنلاشیلماز، درین سؤزلر دئیردی.
سن اوخوردون تیترک سسله، سسینده...
آیریلیغین یورغون سسی تیترردی.
هله او گۆن سولمامیشدی اورمیده،
نیلوفرلر، آخان سولار باشیندا،
او گۆنلر کی، من بیر تازه گنج ایدیم،
سن ده بیر قؽز، اون دؤرد، اون بئش یاشیندا.
سنین ایری گؤزلرینده یاناردی،
هله او گۆن، عشقین سؤنمز رنگلری.
بیر باخیشلا یاناقلارین پؤرتردی،
دئیممزدیم: - گؤزل، بیرجه باخ بری.
یادیندامی، بیر گۆن سحر آچارکن،
سبتلرله دردیک یاقوت اۆزوملر؟
بیر ایل سونرا ایچدیک وصلین باده‌سین،
آی دوغارکن، بۆللور جامدا، ائی دیلبر!
خزان اولدو... خزان بیلمز اورمیه!
سؤندوردولر ائلین یانان اوجاغین.
سن ده سولدون «داوودیلر» سولارکن،
وئرمز اولدو ائللر سنین سوراغین.
ساچلارینی بیزیم باغا تؤکردی.
او گۆنلر کی، سون باهارین گۆنشی
بولودلاردان ایشیق داغا چکردی.
او گۆنلر کی، سولار ایپک پرده‌ده،
آنلاشیلماز، درین سؤزلر دئیردی.
سن اوخوردون تیترک سسله، سسینده...
آیریلیغین یورغون سسی تیترردی.
هله او گۆن سولمامیشدی اورمیده،
نیلوفرلر، آخان سولار باشیندا،
او گۆنلر کی، من بیر تازه گنج ایدیم،
سن ده بیر قؽز، اون دؤرد، اون بئش یاشیندا.
سنین ایری گؤزلرینده یاناردی،
هله او گۆن، عشقین سؤنمز رنگلری.
بیر باخیشلا یاناقلارین پؤرتردی،
دئیممزدیم: - گؤزل، بیرجه باخ بری.
یادیندامی، بیر گۆن سحر آچارکن،
سبتلرله دردیک یاقوت اۆزوملر؟
بیر ایل سونرا ایچدیک وصلین باده‌سین،
آی دوغارکن، بۆللور جامدا، ائی دیلبر!
خزان اولدو... خزان بیلمز اورمیه!
سؤندوردولر ائلین یانان اوجاغین.
سن ده سولدون «داوودیلر» سولارکن،
وئرمز اولدو ائللر سنین سوراغین.