ساریشین بالکونون کناریندا،
یازین آتشلی ضربهسیله سولوب
فری اوچموش بئش-آلتی ساقسی چیچک،
گاه بیحیسّ، گاه تیترهیهرک،
بکلهییر ماویگؤزلو بیر ملکین
نوردان تؤکمه نازیک اللرینی.
هپسینین حۆسن-پۆرغوباریندا
آرتییور هر دقیقه حۆزن-غۆروب؛
گلهرک شیمدی بیر پری-شباب،
الده بیر دستی ائیلیور سیراب؛
ایشته بایغین باقیشلی هر چیچگین،
گۆلدورور چؤهرهی-مۆکدّرینی.
نه قادار خوش... او نازنین رفتار!
نه دیلآشوب... او زۆلف-زرّینتار!
هپ او سیمای-شوخ، او نیم نیگاه،
او شهامتلی، آتشین گؤزلر
روح-اشعاره بیر تجلّیگاه
اولاراق نور-اعتیلا سرپر.
بیر چیچکدن سئچیلمیور هرگیز،
هم ده بیر قؤنچهدیر کی، پک نادیر...
او گۆل اندامی ایشته سئیر ائدینیز!
پنبه گۆلدن گؤزل دئییل ده نهدیر؟!
مۆتصوّیرمیدیر کی، بیر اینسان
اونو گؤرسون ده اولماسین حئیران؟