منو
غۆروبه قارشی
یانار روحوم دمادم، روح-مجروحوم یانار، سؽزلار،
بۆتون عالم دییشمیش سانکی، هپ قسوت‌نوما، محزون...
بۆتون اطرافی سارمیش بیر ملال؛ آغلار، جیهان آغلار؛
کؤنول محزون، هاوا محزون، گۆنش محزون، سما
محزون...
گۆنش، دیلبر گۆنش سؽیریلسا یالنیز سیسلی
چارشافدان،
اولور ظنّیمجه هر کس، هر کؤنول بیر آن ایچین خندان.
گۆنش - انگین، نیهایتسیز فضانین نازلی سولطانی،
نیچین؟ بیلمم نیچین چؽقماز او خلوتگاه-عیصمتدن؟
نیچین آفاقی سارماز شؤعله‌ی-حۆسن-زرافشانی؟
نیچین مرحوم ائدر حیسّ و خیالی فئیض-صؤحبتدن؟
«نیچین؟ بیلمم نیچین!؟» دئرکن، آمان، یا رب، نه‌لر
دویدوم!؟
بولوتلار سؽیریلیب ناگاه مۆدهیش بیر خبر دویدوم:
گۆنش، هئیهات!.. او، قهریندن قؽزارمیش قانلی بیر
سیما
کی، هر بیر نظره‌ی-خونینی بیر دهشت بیان ائیلر.
اوت، هر نظره‌سیندن بللی بین اسرار، بین معنا؛
قوپان حرب و وغادان سانکی یۆز بین ماجرا سؤیلر،
دمادم فؽشقیران آتشلی، زهرآگین دومانلاردان،
او گۆلگون چؤهره گویا سارسیلیر، محجوب اولور هر آن.
اوت، دالغین گۆنش، توتقون گۆنش حاقسیز دئییل، زیرا
بۆتون ییرمینجی عصرین مۆستعید ائولادی هپ ظالیم...
اییلمزکن ملک اینسانه، اولموش عاقیبت شئیطان،
نه‌دن شئیطانه عبد اولسون بو گۆن عالی-نیژاد اینسان!؟
جیهان بیر قتلگاه اولموش، آمان یوق ظۆلم و وحشتدن،
بو اینسان مذبحیندن کیمسه چؽقماز، کیمسه قورتولماز.
بۆتون تاریخی هپ گؤزدن کئچیر تا بدء-خیلقتدن،
اوت، بیر بؤیله حۆزن‌آور، الم‌پرور باهار اولماز.
کؤنوللر قان، چیچکلر قان، بۆتون چؤللر، چمنلر
قان،
دنیزلر قان، بولوتلار قان، هاوا قان، ایشته هر یئر
قان...
بؤیوک باشلار دومانلانمیش دا، آتش پۆسکورور هر آن،
قؽلیجلار، سۆنگولر، توپلار، تۆفنگلر گۆرله‌ییب پارلار.
نه ایستر بیر-بیریندن آنلاشیلماز سایغیسیز اینسان!؟
اولور معموره‌لر ویران، قوپار آتشلی توفانلار.
فقط بونلار، بو وحشتلر، بو دهشتلر نیچین بیلمم؟
عجب، خالی‌می اینصاف و مۆروّتدن بۆتون عالم!؟
بو قسوتلر نیچین بیلمم؟ «نیچین؟ یا رب، نیچین؟ دئرکن،
قوپوب بیر صئیحه، مۆدهیش بیر صدا، بیر نعره‌ی هئی-هئی!
همن سارسیلدی روحوم، تۆکلریم اۆرپردی دهشتدن؛
دمادم یؽلدیریم، شیمشک چاقار، پاتلاردی پئی‌درپئی،
بو قؽزغین صئیحه گویا گۆرله‌ییب سؤیلردی: - ای غافیل!
فلاکتسیز سعادت، قایغیسیز راحت دئییل قابیل.
امین اول، نئرده دیرلیک وارسا، مۆطلق اوردا قاوغا وار؛
بو بیر قانون-حیکمت، سیرّ-خیلقتدیر کی، محو اولماز.
باسیب-کسمک، یاقیب-یؽقماق آزالماز، دایما آرتار؛
بو بیر بازیچه‌ی-قۆدرت کی، بوندان کیمسه قورتولماز.
چالیش هپ غالیب اول، مرد اول! بو آیدین بیر حقیقتدیر:
«جیهان بیر نازنین دیلغر کی، یالنیز مرده قیسمتدیر...»
بۆتون عالم دییشمیش سانکی، هپ قسوت‌نوما، محزون...
بۆتون اطرافی سارمیش بیر ملال؛ آغلار، جیهان آغلار؛
کؤنول محزون، هاوا محزون، گۆنش محزون، سما
محزون...
گۆنش، دیلبر گۆنش سؽیریلسا یالنیز سیسلی
چارشافدان،
اولور ظنّیمجه هر کس، هر کؤنول بیر آن ایچین خندان.
گۆنش - انگین، نیهایتسیز فضانین نازلی سولطانی،
نیچین؟ بیلمم نیچین چؽقماز او خلوتگاه-عیصمتدن؟
نیچین آفاقی سارماز شؤعله‌ی-حۆسن-زرافشانی؟
نیچین مرحوم ائدر حیسّ و خیالی فئیض-صؤحبتدن؟
«نیچین؟ بیلمم نیچین!؟» دئرکن، آمان، یا رب، نه‌لر
دویدوم!؟
بولوتلار سؽیریلیب ناگاه مۆدهیش بیر خبر دویدوم:
گۆنش، هئیهات!.. او، قهریندن قؽزارمیش قانلی بیر
سیما
کی، هر بیر نظره‌ی-خونینی بیر دهشت بیان ائیلر.
اوت، هر نظره‌سیندن بللی بین اسرار، بین معنا؛
قوپان حرب و وغادان سانکی یۆز بین ماجرا سؤیلر،
دمادم فؽشقیران آتشلی، زهرآگین دومانلاردان،
او گۆلگون چؤهره گویا سارسیلیر، محجوب اولور هر آن.
اوت، دالغین گۆنش، توتقون گۆنش حاقسیز دئییل، زیرا
بۆتون ییرمینجی عصرین مۆستعید ائولادی هپ ظالیم...
اییلمزکن ملک اینسانه، اولموش عاقیبت شئیطان،
نه‌دن شئیطانه عبد اولسون بو گۆن عالی-نیژاد اینسان!؟
جیهان بیر قتلگاه اولموش، آمان یوق ظۆلم و وحشتدن،
بو اینسان مذبحیندن کیمسه چؽقماز، کیمسه قورتولماز.
بۆتون تاریخی هپ گؤزدن کئچیر تا بدء-خیلقتدن،
اوت، بیر بؤیله حۆزن‌آور، الم‌پرور باهار اولماز.
کؤنوللر قان، چیچکلر قان، بۆتون چؤللر، چمنلر
قان،
دنیزلر قان، بولوتلار قان، هاوا قان، ایشته هر یئر
قان...
بؤیوک باشلار دومانلانمیش دا، آتش پۆسکورور هر آن،
قؽلیجلار، سۆنگولر، توپلار، تۆفنگلر گۆرله‌ییب پارلار.
نه ایستر بیر-بیریندن آنلاشیلماز سایغیسیز اینسان!؟
اولور معموره‌لر ویران، قوپار آتشلی توفانلار.
فقط بونلار، بو وحشتلر، بو دهشتلر نیچین بیلمم؟
عجب، خالی‌می اینصاف و مۆروّتدن بۆتون عالم!؟
بو قسوتلر نیچین بیلمم؟ «نیچین؟ یا رب، نیچین؟ دئرکن،
قوپوب بیر صئیحه، مۆدهیش بیر صدا، بیر نعره‌ی هئی-هئی!
همن سارسیلدی روحوم، تۆکلریم اۆرپردی دهشتدن؛
دمادم یؽلدیریم، شیمشک چاقار، پاتلاردی پئی‌درپئی،
بو قؽزغین صئیحه گویا گۆرله‌ییب سؤیلردی: - ای غافیل!
فلاکتسیز سعادت، قایغیسیز راحت دئییل قابیل.
امین اول، نئرده دیرلیک وارسا، مۆطلق اوردا قاوغا وار؛
بو بیر قانون-حیکمت، سیرّ-خیلقتدیر کی، محو اولماز.
باسیب-کسمک، یاقیب-یؽقماق آزالماز، دایما آرتار؛
بو بیر بازیچه‌ی-قۆدرت کی، بوندان کیمسه قورتولماز.
چالیش هپ غالیب اول، مرد اول! بو آیدین بیر حقیقتدیر:
«جیهان بیر نازنین دیلغر کی، یالنیز مرده قیسمتدیر...»