قؽز مکتبینده

— قوزوم، یاوروم! آدین نه‌دیر؟
— گۆل‌باهار.
— پکی، سنین آنان، بابان وارمی؟
— وار.
— ناسیل، زنگینمیدیر بابان؟
— اوت، زنگین، بگ‌زاده...
— اؤیله ایسه، گئیدیگین گئییم نئچین بؤیله ساده؟
یوخمو سنین اینجیلرین، آلتون بیلرزیکلرین؟
سؤیله، یاوروم! هئچ سؽخیلما...
— وار افندیم، وار... لاکین
مۆعلّیمم هر گۆن سؤیلر، اونلارین یوخ قیمتی،
بیر قؽزین آنجاق بیلگیدیر، تمیزلیکدیر زینتی.
— چوخ دوغرو سؤز... بو دۆنیادا سنین ان چوخ سئودیگین
کیمدیر، قوزوم، سؤیلرمیسن؟
— ان چوخ سئودیگیم ایلکین
او الله کی، یئر-گؤیو، اینسانلاری خلق ائیلر.
— سونرا کیملر؟
— سونرا اونون گؤندردیگی ائلچیلر.
— باشقا سئودیکلرین ناسیل، یوخمو؟
— وار...
— کیمدیر اونلار؟
آنام، بابام، مۆعلّیمه‌م، بیر ده بۆتون اینسانلار...