رحمسیز خلق اولونوبدور او نیگاریم، نه ائدیم؟
آپاریب فیکری بۆتون صبر و قراریم، نه ائدیم؟
ائل منه طعنه وورور: سؤیله، تۆکنمزمی یاسین؟
آخی، من باغرییانیق عاشیقی-زارم، نه ائدیم؟
آیقاباقلیم گؤروشه گلمهدی، تنها گزهرک،
سایماییم نجمی-مۆنوّر، شبی-تارم، نه ائدیم؟
یار آپاردی جانیمی، اولمادی دیلدار منه،
اؤزو آسوده گزیر، من گۆلی-خارم، نه ائدیم؟
سالدی الدن غمی-معشوقه منی، یوخمو دوا،
عشقدن اولدو پریشان سری-کاریم، نه ائدیم؟
هر ایکی دۆنیادا الله گؤزلی دۆست توتار،
من کی، پوری حسنم، یوخدو نیگاریم، نه ائدیم؟