سلامت اهلینی خونخواره چشمین ناگهان گؤرگج

سلامت اهلینی خونخواره چشمین ناگهان گؤرگج،
ایرور خؤشبخت اونون تک کیم، حرامی کاریوان گؤرگج.

خورامان قدّینی گؤرگج من-دیوانه جان وئردیم،
اوش آنداق کیم، وئرور جان تیلبه ایت آب-روان گؤرگج.

ساچون فیکریدورور کؤنلومده، یوخ تسکینی آنونچون
نئجه اویسون بیر آو قوینوندا تولغانمیش ییلان گؤرگج.

بزتمیش زرورق بیرله یۆزو ترک آزدوردو کؤنلومنی
کی، طیفلین مئیی چوخراقدور ورق-زرفیشان گؤرگج.

نیشان-خاک-پایینی اؤپرمن خاندا کیم، گؤرسم،
آنون تک کیم، اؤپرلر خلق سولطاندان نیشان گؤرگج.

ساری دون ایچره تا گؤرسه‌نی لاله‌م تحیّوردن
کی، چؽخماز اۆنی بۆلبولنین گۆلوستانی خزان گؤرگج.

سر-کویینده آنماز کیشوری فیردوس-گۆلزاری،
مۆحقّر باغی اونوتدو بهیشت-جاویدان گؤرگج.