منو
عیّاش
روزگار... چووقون، قار، اطراف اسیم-اسیم اسمه‌ده،
باشلار کؤکوسده... لاکین سوقاقدا بیر قارالتی
گرینیب بۆکولمه‌ده، شاختا اونو کسمه‌ده،
بوزدان بیر جام کسیلمیش آیاقلاری‌نین آلتی.
دورمادان سؤیلنمه‌ده او کندی-کندی‌سیله
آلنی‌نین چوخوروندا پارلییور ایکی مشعل.
ساغدان، سولدان کۆلکلر ووروب اۆزونه سیلله
یؽخماق ایستیور اونو شفّاف دمیردن بیر ال.
یوخ سؤزلرینده معنا، جانیندا یوخ ایختیار،
قوللار، باجاقلار هپسی قاریشمیش بیر-بیرینه،
الوداع ائتمیش اونا شخصیت، عیزّت، وۆقار،
دۆشموش اوغورسوز، آجی بیر عادتین گیرینه.
ساغ الینده بیر شیشه، سول جیبینده بیر شیشه،
هانکی بؤیوک بیر سبب اونو بو حالا سالمیش؟
چکمیش هانکی بیر عمل بیچاره‌نی بو ایشه،
هانکی تصادوفدن او، بو یامان گۆنه قالمیش؟
آلنیندا بیر بیاض غم، – بیر دیلنچی گۆنونده –
اۆزو گۆنشدن قؽزیل، ایچی قارلاردان آغدیر.
او، شیمدی دوردو یۆکسک بیر بینانین اؤنونده،
کئچمیشینی یاشاتمیش بو ائوه باخدی... باخدی...
قؽلینج کیمی کسیجی شاختانین شیدّتیله
ایشته چۆروک بیر آغاج جانسیز اوزاندی یئره.
ایچینده بسله‌دیگی مۆوبّد قۆدرتیله
بیر قوشسا قاناد آچدی آغ چادرالی گؤیلره.
بورام-بورام قؽوریلیب حمله ائدینجه روزگار،
بو عیّاش قالدیریمدان اۆز اۆسته یئره دۆشدو.
قلبینده سون دؤیونتو، سسینده خؽریلتیلار
بیاض تنلی داشلارلا قوجاقلاشدی، اؤپوشدو.
اَوت حیات دنیلن بو دؤیوش مئیدانیندان
باسیلمامیش چؽخاجاق کیمین وارسا قاناتی.
اَوت، کیم شۆبهه ائتسه، قوّتیندن، جانیندان
آج سوقاقلار الینده بوغولاجاق حیاتی.
کیمدیر بو ایلان کیمی سۆرونوب اؤلن آدام،
چؤکموش کاشانه‌لرین باجاریقسیز اوغلومو؟
نرده اونو یاشادان دۆنکو پارلاق ائحتیشام،
اونو اؤلدورن کندی صینیفی‌نین یولومو؟
باشلار کؤکوسده... لاکین سوقاقدا بیر قارالتی
گرینیب بۆکولمه‌ده، شاختا اونو کسمه‌ده،
بوزدان بیر جام کسیلمیش آیاقلاری‌نین آلتی.
دورمادان سؤیلنمه‌ده او کندی-کندی‌سیله
آلنی‌نین چوخوروندا پارلییور ایکی مشعل.
ساغدان، سولدان کۆلکلر ووروب اۆزونه سیلله
یؽخماق ایستیور اونو شفّاف دمیردن بیر ال.
یوخ سؤزلرینده معنا، جانیندا یوخ ایختیار،
قوللار، باجاقلار هپسی قاریشمیش بیر-بیرینه،
الوداع ائتمیش اونا شخصیت، عیزّت، وۆقار،
دۆشموش اوغورسوز، آجی بیر عادتین گیرینه.
ساغ الینده بیر شیشه، سول جیبینده بیر شیشه،
هانکی بؤیوک بیر سبب اونو بو حالا سالمیش؟
چکمیش هانکی بیر عمل بیچاره‌نی بو ایشه،
هانکی تصادوفدن او، بو یامان گۆنه قالمیش؟
آلنیندا بیر بیاض غم، – بیر دیلنچی گۆنونده –
اۆزو گۆنشدن قؽزیل، ایچی قارلاردان آغدیر.
او، شیمدی دوردو یۆکسک بیر بینانین اؤنونده،
کئچمیشینی یاشاتمیش بو ائوه باخدی... باخدی...
قؽلینج کیمی کسیجی شاختانین شیدّتیله
ایشته چۆروک بیر آغاج جانسیز اوزاندی یئره.
ایچینده بسله‌دیگی مۆوبّد قۆدرتیله
بیر قوشسا قاناد آچدی آغ چادرالی گؤیلره.
بورام-بورام قؽوریلیب حمله ائدینجه روزگار،
بو عیّاش قالدیریمدان اۆز اۆسته یئره دۆشدو.
قلبینده سون دؤیونتو، سسینده خؽریلتیلار
بیاض تنلی داشلارلا قوجاقلاشدی، اؤپوشدو.
اَوت حیات دنیلن بو دؤیوش مئیدانیندان
باسیلمامیش چؽخاجاق کیمین وارسا قاناتی.
اَوت، کیم شۆبهه ائتسه، قوّتیندن، جانیندان
آج سوقاقلار الینده بوغولاجاق حیاتی.
کیمدیر بو ایلان کیمی سۆرونوب اؤلن آدام،
چؤکموش کاشانه‌لرین باجاریقسیز اوغلومو؟
نرده اونو یاشادان دۆنکو پارلاق ائحتیشام،
اونو اؤلدورن کندی صینیفی‌نین یولومو؟