منو
قورخماز!
گۆله عاشیقدی بۆلبول، طعنه‌ی-اغیاردن قورخماز.
جفای-خاره صبر ائیلر، هزار آزاردن قورخماز.
پیشیکدن قورخماسا، عۆزلت-گوزین اولماز یوواسیندا،
یئیر قند و نابات و هیل سیچان عطّاردن قورخماز.
قاپار بؤرکون باشیندان ائتمه‌سه اندیشه حاکیمدن،
سویار گۆندوز گؤزو خلق-مۆسلمان، تاریدن قورخماز.
اریک لذّتلیدی، شیریندی آلما، دادلیدیر کیشمیش،
تامارزی اوغرو دوققوز مؤهره‌لی دیواردان قورخماز.
اگر سئیر ائتمه‌یه یوللاردا مأموره‌ی-دؤولت
کسر باشین حرامی، سیطوت-قهّاردن قورخماز.
سن و من قورخوروق دیندار-پۆرآزاریدن، امّا
جهنم مالیکی هرگیز اوزون پالتاردان قورخماز.
ضعیف و ناتاوان ائیلر حذر قوّتلیدن دایم،
فیرنگ و اینگیلیس و هم ژاپون بولقاریدن قورخماز،
گر اینه وئرمه‌یه کافر مۆسلمانلار قالار عۆریان،
بو نؤعی جاهیل اینسانلار نئجه کۆفّاردن قورخماز؟
خودادان قورخار حلّاج اوغلو مئی ایچمز شب-جۆمعه،
تؤکر مظلوملار قانین یئره بو کاردن قورخماز.
مۆنوّر اولسا نور-علم ایله بیر مملکت، هرگیز
تاپیلماز اوردا بیکار، هئچ کس اشراردن قورخماز.
قبول ائیلر مگر جاهیل تۆکز خاله، اینانماز کی،
اگر یۆز یول دئسم: والله‌ی، جین جینداردن قورخماز!
یالاندان معجز آند ایچمز ابولفضله، ولی، صد بار
"علی حقی" دئیر، هئچ حئیدر-کرّاردن قورخماز!
جفای-خاره صبر ائیلر، هزار آزاردن قورخماز.
پیشیکدن قورخماسا، عۆزلت-گوزین اولماز یوواسیندا،
یئیر قند و نابات و هیل سیچان عطّاردن قورخماز.
قاپار بؤرکون باشیندان ائتمه‌سه اندیشه حاکیمدن،
سویار گۆندوز گؤزو خلق-مۆسلمان، تاریدن قورخماز.
اریک لذّتلیدی، شیریندی آلما، دادلیدیر کیشمیش،
تامارزی اوغرو دوققوز مؤهره‌لی دیواردان قورخماز.
اگر سئیر ائتمه‌یه یوللاردا مأموره‌ی-دؤولت
کسر باشین حرامی، سیطوت-قهّاردن قورخماز.
سن و من قورخوروق دیندار-پۆرآزاریدن، امّا
جهنم مالیکی هرگیز اوزون پالتاردان قورخماز.
ضعیف و ناتاوان ائیلر حذر قوّتلیدن دایم،
فیرنگ و اینگیلیس و هم ژاپون بولقاریدن قورخماز،
گر اینه وئرمه‌یه کافر مۆسلمانلار قالار عۆریان،
بو نؤعی جاهیل اینسانلار نئجه کۆفّاردن قورخماز؟
خودادان قورخار حلّاج اوغلو مئی ایچمز شب-جۆمعه،
تؤکر مظلوملار قانین یئره بو کاردن قورخماز.
مۆنوّر اولسا نور-علم ایله بیر مملکت، هرگیز
تاپیلماز اوردا بیکار، هئچ کس اشراردن قورخماز.
قبول ائیلر مگر جاهیل تۆکز خاله، اینانماز کی،
اگر یۆز یول دئسم: والله‌ی، جین جینداردن قورخماز!
یالاندان معجز آند ایچمز ابولفضله، ولی، صد بار
"علی حقی" دئیر، هئچ حئیدر-کرّاردن قورخماز!