بو گئجه

یئنه یئر اۆسته نیزول آفیتاب ائدیب بو گئجه،
کؤنول سرایینی رؤوشن شراب ائدیب بو گئجه.

گلین، اؤپون الینی معجز-گۆنهکارین
کی، کۆنج-مئیکده‌ده چوخ ثواب ائدیب بو گئجه.

شراب نور هیدایتله دولدوروب قلبین،
بینای-کۆفری یؽخیب، مئی خراب ائدیب بو گئجه.

مئی ایله ائیله‌میشم من محاسینی الوان،
اگر حنا ایله زاهید خضاب ائدیب بو گئجه.

یاتیب کسالت ایله شئیخ-شهر، من نئینیم؟
او نفسینه سیتم-بی‌حساب ائدیب بو گئجه.

الینده باده، یانیندا حبیب، ای معجز
خودا دوعالرووی مۆستجاب ائدیب بو گئجه!