منو
ساچینا اویموش خیالیم چۆنکی عنبربو کیمی
ساچینا اویموش خیالیم چۆنکی عنبربو کیمی،
اول سببدن اینجلیب قدّیم اولوبدور مو کیمی.
اولا کی، تیمثالیما بیر باخا شهلا گؤزلولر،
ائی مۆصوّیر، چک منیم تصویریمی ابرو کیمی.
هاندا کیم، بیر گردن-سیمین و گۆل اندام اولا،
بیلمنم کیم، نه ائدیم، مندن قاچارلار قو کیمی.
اؤز خوشوملا من اسیر-غمزه اولمازدیم، ولی
سِحره سالدی اول خومار گؤزلر منی جادو کیمی.
واقیفم، یوخدور منه چاه-زنخداندان نیجات،
گؤستریر احوالیمی آیدین اۆزون گۆزگو کیمی.
اول سببدن اینجلیب قدّیم اولوبدور مو کیمی.
اولا کی، تیمثالیما بیر باخا شهلا گؤزلولر،
ائی مۆصوّیر، چک منیم تصویریمی ابرو کیمی.
هاندا کیم، بیر گردن-سیمین و گۆل اندام اولا،
بیلمنم کیم، نه ائدیم، مندن قاچارلار قو کیمی.
اؤز خوشوملا من اسیر-غمزه اولمازدیم، ولی
سِحره سالدی اول خومار گؤزلر منی جادو کیمی.
واقیفم، یوخدور منه چاه-زنخداندان نیجات،
گؤستریر احوالیمی آیدین اۆزون گۆزگو کیمی.