دوشمه زمانه فکرینین درد سر و خیالینه!
دوشمه زمانه فکرینین درد سر و خیالینه!
اولما حریص دونیانین گنجینه، ملک و مالینه!
جنّت وصل دلبری گل طلب ائت الهی دن!
جنّته واصل اولمهین ایرمز اونون وصالینه.
خُلق ایله و جمال ایله، مندن آپاردی منلیگی،
آفرین اول جمیلهنین خُلقینه و جمالینه.
احسن حسن صورته سجده گتور، عبادت ائت!
تا بیله بو صورتین حسنی نهدیر، جمالی نه!
آغزینا و میانینه هر نئجه کیم باخیم دئدیم:
ذرّهجه ایرمهدی منیم عقلیم اونون خیالینه.
ساچلارینین کمندیله چکدی آپاردی کؤنلومو،
جانی مقیّد ائیلهدی دام بلاده خالینه.
لمعهی حسن صورتی طعنه بر آفتاب ائدر،
قدرت الی چکر قلم قاشلارینین هلالینه.
خلقتینین ترابینه عارف ایسن سجوده گل!
تا یئتهسن بو خلقتین معرفت و کمالینه.
لطف جمال وصلینی گل طلب ائت حقیقیا!
شائبه قیلماگیل اونون لطفینه و جمالینه!
جان و جهانی ترک ائدیب عشق ایله گل بو عرصهیه!
دوشمه بو چرخ کجروون حرصینه و ملالینه!