یوزوندور سدره و طوبی، دوداغین آب حیواندیر
یوزوندور سدره و طوبی، دوداغین آب حیواندیر،
اونون ماهیتِ ذوقون نه بیلسین اول کی حیواندیر؟
یوزون انا فتحنادیر، تبارک شانینه منزل،
بو وجهی احسن صورت دیینلر اهل عرفاندیر.
رُخون گلزارینه قارشی قیزاردی مغربین رنگی،
طلوع مشرقه زُلفون نسیمی عنبر افشاندیر.
جمالین پرتو نوری منوّر قیلدی آفاقی،
دوداغون آب حیوانی ساچین ظلمتده پنهاندیر.
حدیث گوهر افشانین هدایتدیر نهایتسیز،
عقولی اهل عرفانین، اونون شرحینده حیراندیر.
وصالین حسرت ناری منی یاخدی فراقیندا،
نه ماهیّتسن ای جان کیم جمالین حور و رضواندیر.
حقیقی چون سنی گؤردو منزّه اولدو عالمدن،
گؤزونده صورت رحمان، دیلینده ذکر سبحاندیر.