ای رُخون گلزار جنّت، ساچلارین ریحانیدیر
ای رُخون گلزار جنّت، ساچلارین ریحانیدیر،
وی دوداغین آب حیوان، جان اونون حیوانیدیر.
صورتین لوحینده حق چکمیش کمال قدرتین،
احسن صورت کماهی قدرت رحمانیدیر.
گل! که یاندیردی منی حسرتده عشقین آتشی،
شربت وصلین بو درد خستهنین درمانیدیر.
مؤمنین قلبیندهدیر اهل یقینین روضهسی،
عارف اسرار حق شول روضهنین رضوانیدیر.
ای که حسنوندور کمال قدرت رحمانیمیز،
قدرت رحمانه حیران اولمایان شیطانیدیر.
دلبرین یولوندا اگر اهل سن اول گیل جانفدا!
ترک جان ائتمک بو یولدا عصر جاویدانیدیر.
ای حقیقی حق سنه اولدو ز فضلش مستعان،
شکر ایام وصال و رحمت ربّانیدیر.