لعلینده جام خمر مصفّا دگیلمیدیر؟
لعلینده جام خمر مصفّا دگیلمیدیر؟
خالین سیاهی حبّهالسودا دگیلمیدیر؟
مهر رُخون کی دور قمردن خبر وئریر،
عرش سمادا نور معلاّ دگیلمیدیر؟
چون شاهد حقیقی سن اولدون بو عرصهده،
روح القدس بو حکمته گویا دگیلمیدیر؟
حاجت دگیل مشاطه کمال جمالینا،
شول صورت خجسته مهیّا دگیلمیدیر؟
خضرِ دیلیم کی کوثرِ جامِ لبیندهدیر،
از چشمة حیات تو احیا دگیلمیدیر؟
هر بیخبر کی بیلمهدی قدر وصالینی،
حیواندان اول اولئک ادنا دگیلمیدیر؟
پیوسته تؤکدو قانیمی مستانه گوزلرین،
شول کافر از ایمان مبرّا دگیلمیدیر؟
مرآت لامکان کی روخون آفتابیدیر،
عاریف قاتیندا منظر اعلا دگیلمیدیر؟
جان وئردی چون حقیقی بهای وصالینا،
وصلیندن اول فقیره تمنّا دگیلمیدیر؟