گلگیل! که باغ وصل تو خلد برین ایمیش
گلگیل! که باغ وصل تو خلد برین ایمیش،
خمر لبت ز کوثر جان آفرین ایمیش.
دام بلای عشقه گرفتار ائدن منی،
شول زولف ایمیش که تارهسی حبل المتین ایمیش.
کون و مکانی وصلینه شُکرانه وئرمیشم
بو رسم ایچینده رسم محبّت همین ایمیش.
روز ازلده چشمهی حیوان ایمیش لبین،
زولفون نسیم و مشک رخون یاسمین ایمیش.
دارالخلود ایمیش سر کویین حقیقتی،
هر گوشه وحدت اهلینه ]بیر[ ملک دین ایمیش.
چون هادی زمانه سن اولدون بو عرصهده،
شُکر ائیلرم که واسطه روح الامین ایمیش.
چکدی حقیقینی سر زولفون کمندینه،
شول قاشلارین کمانهسی که اندر کمین ایمیش.