منو
لمعه‌ی نور تجلّی آفتابیدیر یوزون
لمعه‌ی نور تجلّی آفتابیدیر یوزون،
لیله‌الاسرا ساچین ظلّ حجابیدیر یوزون.
احسن صورت جمالیندیر ایکی عالمده چون،
عالم الغیبین کلامی انتخابیدیر یوزون.
صورتین انا فتحنادیر، خطین امّ‌الکتاب،
شول جهتدن عارفین یوم الحسابیدیر یوزون.
لوح محفوظوندادیر منزل تبارک آیتی،
قیل تبارک شانینه حقدن خطابیدیر یوزون.
لیله المعراجه اسراده رفیق اولدی ساچین،
قاب قوسینی هلالین ماهتابیدیر یوزون.
سدره دور سرو گل اندامین، رخوت اسما حسن،
سوره‌ی تنزیل خط و خالین کتابیدیر یوزون.
هئیئتین شرحینی منطقدن بیان ائیلر فقیه،
کنز حکمتدن کلامین احتسابیدیر یوزون.
روشن اولدو جمله عالمده وجهین پرتوی،
چون حقیقی‌نین مرادی آفتابیدیر یوزون.
لیله‌الاسرا ساچین ظلّ حجابیدیر یوزون.
احسن صورت جمالیندیر ایکی عالمده چون،
عالم الغیبین کلامی انتخابیدیر یوزون.
صورتین انا فتحنادیر، خطین امّ‌الکتاب،
شول جهتدن عارفین یوم الحسابیدیر یوزون.
لوح محفوظوندادیر منزل تبارک آیتی،
قیل تبارک شانینه حقدن خطابیدیر یوزون.
لیله المعراجه اسراده رفیق اولدی ساچین،
قاب قوسینی هلالین ماهتابیدیر یوزون.
سدره دور سرو گل اندامین، رخوت اسما حسن،
سوره‌ی تنزیل خط و خالین کتابیدیر یوزون.
هئیئتین شرحینی منطقدن بیان ائیلر فقیه،
کنز حکمتدن کلامین احتسابیدیر یوزون.
روشن اولدو جمله عالمده وجهین پرتوی،
چون حقیقی‌نین مرادی آفتابیدیر یوزون.