اول حسنله خط و خاله تحسین

اول حسنله خط و خاله تحسین،
اول مصحف لایزاله تحسین.
اول آب حیات جانفزایه،
اول چشمه‌ی ذوالجلاله تحسین.
عارف دگیل اول که قیلدی دائم،
بو دنیا و ملک و ماله تحسین.
آل ائیله‌دی، فتنه قیلدی عینین،
اول فتنه‌لو عین و آله تحسین.
اول قامت یدره الجنانه،
اول نون ایله میم و داله تحسین.
شول قرصه‌ی آفتاب ایچینده،
کیم قیلمیه اول هلاله تحسین.
هر کیم که حقیقی اولدو، قیلدی،
اول زولف ایله خط و خاله تحسین.