گل گیل کی سئومیشم سنی جانانهلرده من
گل گیل کی سئومیشم سنی جانانهلرده من،
جان اوینارام یولوندا بو دیوانهلرده من.
ویرانه کؤنلومو غم عشق ائتدی چون مکان،
بس گنج بولموشام دل ویرانهلرده من.
هر تشنهنین کی، جانی مصفّا لبین دئییل،
ایچمن حیات آبین اول پیمانهلرده من.
شیرین غمینده جانیمی تسلیم قیلمیشام،
خسرو حیکایهسین دئمن افسانهلرده من.
چون خانقاه و مدرسه و زاهد و شیخ،
حقدن مراد ایسترم اول خانهلرده من.
بیگانه کیم دورار کیم اونا آشنا دئیم،
یا اوللام آشنا دل بیگانهلرده من.
یاخدی حقیقی جانینی شمع روخوندا چون،
یاندیم بو آه و سوز ایله پروانهلرده من.