ای خطین سبع المثانی، وی لبین ماء طهور
ای خطین سبع المثانی، وی لبین ماء طهور،
وی جمالین پرتویندن سر بسر عالمده نور.
وعدهی یومالقیامت ائتدی حقدن عاشقه،
روز حشر اولدو، چالیندی وحدتین کویینده صور.
خلقتین شانینده منزل اولدی امر اسّجدوا،
بیلمهدی شیطان بو امرین شکرونی، اولدو غیور.
شبههدن آرین و اهل ساجد اول! ایمانه گل!
لیس مقبول الصّلاه القلب الاّ بالحضور.
خاطر جمعیّت اول زلف پریشانیندادیر،
شول جهتدن اولمادی خالی خیالین از خطور.
عینیمه گلمز جهانین ظلمتی بیر شمّهجه،
چون ایکی عالمده سنسن مردم عینیمده نور.
حمدلله کیم حقیقی بولدو یارین وصلینی،
فارغ البال از غم دنیا و مِن یومالنشور.