سن اگر کی...

سن اگر کی، تر تؤکمه‌ییب
   اکین اکدین،
اکین سنین دئییلدیر.
سن ایلهامسیز فیرچا آلیب
   شکیل چکدین،
شکیل سنین دئییلدیر.
سؽسقا چای تک سن عۆمّانا
   آخار اولسان،
عۆمّان سنین دئییلدیر.
سن جاهانا سویوق قلبله
   باخار اولسان،
جاهان سنین دئییلدیر.
یئر اۆزوندن ایکی‌اللی
   سن یاپیشما،
دۆنیا سنین دئییلدیر.
گؤله اوچوب، سونا قونسا
   آتش آچما،
سونا سنین دئییلدیر.
حئیرتلنمه قاباغینا
   صحرا گلسه،
صحرا سنین دئییلدیر.
شعر یازسان، بیردن آسان
   میصراع گلسه
میصراع سنین دئییلدیر.

22 دئکابر ۱۹۸۹