زامان قلبه کمند آتیر،
یارا سؽزلار کۆرگیمده.
سنین گۆجون عاقلیندادیر،
منیم گۆجوم اۆرگیمده.
ن.خزری
گؤر نئجه قوووشور ایل-ایله، الله،
عاقیل دۆشونهرک، اۆرک سئوهرک.
اینسان وارلیغینی
وار ائله الله،
اۆرگه عاقیل وئر، عاقیلا اۆرک!
تکجه عاقیل سئوسه —
بلادی سئوگی،
تکجه اۆرک سئوسه —
آتشدیر، اوددور!
اۆرکله عاقیلین اؤولادی سئوگی،
اینسانا اوچماقچین مغرور قاناددیر.
سئونلر! اوجالین
گؤیلره سیز ده،
اوجالین آرزویا،
اۆمیده باغلی.
سئونلر! قوووشسون طالعینیزده
عاقلین اۆرییله،
اۆرگین عاقلی!
27-28 مای ۱۹۹۶