منو
یئتیملیک
زامان عۆمّانیندا
بیر عؤمور اۆزدوک،
مگر پولادداندیر عصبلریمیز؟
آتانی، آنانی ایتیردیک، دؤزدوک،
تورپاغی ایتیردیک نئجه دؤزک بیز؟
یادلار اکیب-بیچن تورپاق یئتیمدیر
ائلاتی گلمه‌ین یایلاق یئتیمدیر.
باخیریق صاباحا یئنه اۆمیدله،
اینتیقام آدلانان زامان گله‌جک.
گله‌جک تورپاغین صاحیبی مۆطلق،
داغلار هارای چکیر هاچان گله‌جک؟
بولانیق آخدیقجا گور سئللر، سولار،
اوچار او کیمسه‌سیز ائو کی، یئتیمدیر.
یئتیمدیر بلالی حیسّلر، دویغولار،
قدری بیلینمین سئوگی یئتیمدیر.
اینامسیز یئر ایله گؤی داغیلاردی،
دنیز ده جوشمازدی چای اولماسایدی.
گۆنش ده گؤیلرده یئتیم قالاردی،
اگر اولدوزلارلا آی اولماسایدی.
یئرده ال چاتمایان، هارای یئتمه‌ین،
گۆلونو قؽش وورموش باهار یئتیمدیر.
کیمسه حۆضورونا گلیب گئتمه‌ین،
دؤوره‌سی اوت باسمیش مزار یئتیمدیر.
چیچکلر سازاقدان ائله سولور کی،
دئییرسن دۆنیانین یئتیشیب سونو.
شاعیر ده او زامان یئتیم اولور کی،
نه زامان ایلهامی ترک ائدیر اونو.
قوی آخسین قانیما دنیز ده، چای دا،
قوی ایلهام قاپیما گلمه‌سین قوناق.
اگر یئتیم قالسا گۆنش ده، آی دا،
تکی بیز تورپاقسیز یئتیم قالمایاق.
17 آپرئل ۱۹۹۷
بیر عؤمور اۆزدوک،
مگر پولادداندیر عصبلریمیز؟
آتانی، آنانی ایتیردیک، دؤزدوک،
تورپاغی ایتیردیک نئجه دؤزک بیز؟
یادلار اکیب-بیچن تورپاق یئتیمدیر
ائلاتی گلمه‌ین یایلاق یئتیمدیر.
باخیریق صاباحا یئنه اۆمیدله،
اینتیقام آدلانان زامان گله‌جک.
گله‌جک تورپاغین صاحیبی مۆطلق،
داغلار هارای چکیر هاچان گله‌جک؟
بولانیق آخدیقجا گور سئللر، سولار،
اوچار او کیمسه‌سیز ائو کی، یئتیمدیر.
یئتیمدیر بلالی حیسّلر، دویغولار،
قدری بیلینمین سئوگی یئتیمدیر.
اینامسیز یئر ایله گؤی داغیلاردی،
دنیز ده جوشمازدی چای اولماسایدی.
گۆنش ده گؤیلرده یئتیم قالاردی،
اگر اولدوزلارلا آی اولماسایدی.
یئرده ال چاتمایان، هارای یئتمه‌ین،
گۆلونو قؽش وورموش باهار یئتیمدیر.
کیمسه حۆضورونا گلیب گئتمه‌ین،
دؤوره‌سی اوت باسمیش مزار یئتیمدیر.
چیچکلر سازاقدان ائله سولور کی،
دئییرسن دۆنیانین یئتیشیب سونو.
شاعیر ده او زامان یئتیم اولور کی،
نه زامان ایلهامی ترک ائدیر اونو.
قوی آخسین قانیما دنیز ده، چای دا،
قوی ایلهام قاپیما گلمه‌سین قوناق.
اگر یئتیم قالسا گۆنش ده، آی دا،
تکی بیز تورپاقسیز یئتیم قالمایاق.
17 آپرئل ۱۹۹۷