منو
نار-نار
(لنکران ماهنیلاریندان)
گۆل-چیچگی درَرم، نار-نار،
الوان چلنگ هؤررم، نار-نار.
هر گۆن سنی گؤرنده، نار-نار،
اؤز بختیمی گؤررم، نار-نار،
داغلارا گۆن دۆشه‌یدی، نار-نار،
دئمه، نئیچین دۆشه‌یدی، نار-نار.
بیزیم ائوین یانیندان، نار-نار،
یولون هر گۆن دۆشه‌یدی، نار-نار،
قانادلانیب اوچایدیم، نار-نار
غمدن اوزاق قاچایدیم، نار-نار.
اۆرگیمی بیر آخشام، نار-نار،
سئودیگیمه آچایدیم، نار-نار،
بوز بولاقدان ایچه‌یدیک، نار-نار،
دوستو یاددان سئچه‌یدیک، نار-نار.،
باری بیزیم کۆچه‌دن، نار-نار،
بیر گۆن قوشا کئچه‌یدیک، نار-نار.
۱۹۵۷