دۆنن نئجه گؤروشدو؟
اۆرگه چؽنقا دۆشدو.
او مهریبان گۆلوشدو،
یوخسا الهی پایدی؟
دۆنن - بو گۆن اولایدی
ایسیندیم نور سئلیندن،
اؤپدوم ظریف تئلیندن.
توتدوم گۆنش الیندن
بو گۆنش، یوخسا آیدی،
دۆنن - بو گۆن اولایدی!
نه گۆندوز، نه گئجهیدی،
گؤیلر یئرلره دیدی.
بو نئجه مؤعجوزهیدی؟
ائویم نورلو سارایدی،
دۆنن - بو گۆن اولایدی
قلبدن نغمه یۆکسلسین،
آه-آمانلار کسیلسین.
ائله بیر صاباح گلسین
دئییم دۆننه تایدیر.
دۆنن - صاباح اولایدی!
15 آپرئل ۱۹۹۶