چوخ کئچدیم ایللردن
های-هارایلا من.
دوردوم بو گۆن گؤیله،
یئر آراسیندا.
بلکه ده اینامسیز
بیر آرزویلا من.
قالمیشام اۆمیدسیز
درد آراسیندا؟
آنلار دا چتیندیر،
گۆنلر ده چتین.
غم نهدیر،
گۆنشین
زر تئللرینده؟
بلکه ده ساحیلسیز
بیر محبّتین،
دایاندیم عۆمّانسیز
ساحیللرینده
قوی سنین سسینی
نور کیمی ایچیم.
بدبخت بیر عؤمرونچون
سن خوشقدمسن!
یوخ، بلکه سن منیم
غملی سئوینجیم،
بلکه ده سئوینجلی
بیر فاجیعهمسن؟
8 یانوار ۱۹۹۸