کؤرپولر


"کئچمه نامرد کؤرپوسوندن
قوی آپارسین سئل سنی".
(ائل سؤزو)

ایل اؤتدوکجه،
   سؽرا-سؽرا،
تورپاق ساتانلار دا اولوب.
یئر اۆزوندن اولدوزلارا
کؤرپو آتانلار دا اولوب.

کیمدیر قلبده نور سؤندوکجه
گؤیلره مینّته گئدیر.
کیمدیر بئله دۆشوندوکجه
سانیر کی، جنّته گئدیر.

سریله‌رک یئر اۆزونه
بنزر دیولر کؤرپوسونه.
باشلانغیجی جیبلرده‌دیر
دؤنوب جیبلر کؤرپوسونه.

او کیمدیر دیللنیر بئله:
— چاتسین دوستوما کؤرپولر.
داش تیکیلی کؤرپولرله
بو نادیر آسما کؤرپولر.

گۆندوز یاتمیر،
   گئجه یاتمیر
فیکیر قوش تک اوچوب گئدیر.
قاراباغا کؤرپو چاتمیر
آوروپانی آشیب گئدیر.

هاچان شیمشکلر چاخاجاق،
او چاغلایان نه کۆلکدیر؟
هاچان یاغیشلار یاغاجاق،
هاچان سئللر گله‌جکدیر؟

جوش آی سئللر،
   داش آی سئللر!
یاخشی دویسون ائللر منی،
بئله کؤرپو ایسته‌میرم،
قوی آپارسین سئللر منی!

22-23 دئکابر