منو
شام-غریبان
عؤمرونوز ایشیقلی اولسون،
ایشیغیمیزی سؤندورنلر!
گئجه‌دیر...
گؤیلرمی قارغی‌ییب یئری؟
ظۆلمته غرق اولوب
شهر، ائو-ائشیک...
یا اورتا عصرلر
قاییدیب گئری،
اورتا عصرلره
یا بیز گئتمیشیک؟
شیکایت ائله‌ین
مین گۆناه ائلر،
شاعیر، دور گئجه‌نین
اوغلان چاغیندا،
چؽراق ایشیغیندا
یازیب داهیلر،
سن نیه یازمیرسان
شمع ایشیغیندا؟
بئله‌جه دؤور ائدیر
بوگونکی دؤران،
بو عصرین گؤزلنمز
حقیقتیدیر!
هامی‌یا قیسمتمی
شام-غریبان؟
سئچمه آداملارین
بو قیسمتیدیر
چؽراق ال چاتمایان
عصرده قالیر،
او بیر ده قاییتماز - سیرلی عالمدیر!
نه قدر ایسته‌سن
شمع کی، تاپیلیر،
بلکه شمع ایشیغی
داها محرمدیر؟
سالما اۆرگینه
بو دردی شاعیر،
باییردا شاختادیر...
ائوده سویوقدور...
اصل شعری یازان
کدردیر، شاعیر،
شمع وار...
پروانه‌‌سی حاییف کی، یوخدور.
صاباح گۆنش ائله
اوجالاجاق کی...
گۆنشدن قلبینده
اوجاق قالارسان!
ستلجم اولموسان؟
نه اولاجاق کی،
الله پول یئتیرر،
درمان آلارسان!
بلکه اودلار یوردو
ایشیقدان دویوب؟
اۆمیدلی، اۆمیدسیز
بیر آخشامیم وار.
منیم گؤزلریمین
یاشی قورویوب
نورلو یاش آخیدان
بیر آغ شمعیم وار.
5 فئورال ۲۰۰۰