الله سنه رحمت ائلهسین ص. وورغون
شخصیت گؤزلهدیک،
پرستیش گلدی.
پرستیش اۆچون ده
گؤستریش گلدی،
قالدیق پرستیشله
شخص آراسیندا.
خئییر ده یوخ اولدو
نحس آراسیندا.
رهبرلر آدییلا
چاغلادیق، جوشدوق،
شأنینه سیفاریش
نغمهسی قوشدوق.
یاندی بایراقلارین
قؽزیل شؤعلهسی،
دۆشدو اۆستوموزه
آنی کؤلگهسی.
گۆللر یئرین، گؤیون
ناخیشی کیمی،
سؤزلر ده یالانین
یالنیشی کیمی.
منطیقی ایتیریب،
متنی سهو سالان،
خاطیرده قالاندیر،
یادداشدا قالان.
بلکه بیزه گؤیلر،
یئرلر ده گۆلدو،
رهبر اؤلمهمیشدن،
شعر ده اؤلدو.
منیم بلالاردان
آه و زاریم وار،
ائله لاپ بو گۆن ده
گۆناهلاریم وار.
سؽزلاسین میصراعلار
منیم یئریمه،
تؤوبهیله قوی گۆناه
یاناشی اولسون.
دئییرم او، اؤلن
شعرلریمه،
قوی بیر پوئمام دا
باش داشی اولسون!
عصرین گۆناهیدیر
شاعیر گۆناهی؟
عصرین اؤولادینی
عفو ائت الهی!
4 آپرئل ۲۰۰۰