طالعسیز

یئره کهکشان تک دۆشور ایزلرین،
اۆمیدیم الچاتماز آسیمانیمدیر
گۆندوز اولدوزلاری —
        نورلو گؤزلرین،
منیم دۆنیا بویدا چؽراقبانیمدیر.

یاغیر یای گۆنونده سویوق یاغیشلار
ائله بیل پاییزلا قوهوملوغو وار.
دورنا قاتاریدیر — او ظریف قاشلار
پاییزدا گئدرکن منی ده آپار.

سینه‌ن بزک وئریر تر یاسمنه،
کامان قاش قان تؤکوب اوخلا سینه‌مده،
نولار کی، بیر دفعه دئیه‌سن منه،
نبی، گل چیچگی، قوخلا سینه‌مده.

شفقه بویادین یئری، گؤیو سن،
سنسیز سؤنور سانکی آی، گۆنش، اولدوز.
کیمینسه دۆنیادا سن طالعیسن،
منیم کی، طالعیم دئییلسن، افسوس!

اؤزومه دوست بیلدیم دردی، مؤحنتی.
سؤندو گؤزلریمده یاواش-یاواش نور.
فقط، درک ائله‌دیم بیر حقیقتی
منجه اصیل سئوگی طالعسیز اولور.

15 ایون ۲۰۰۰