تاریخین درسلریندن

یالنیز سیلاحدامی دۆنیادا قوّت؟
عدالت صبرله آتیر آددیمی.
سۆنگولر اۆستونده دایانان دؤولت —
ائله سۆنگولرله یؽخیلمادیمی؟

خیانت دئییلمی ان چیرکین عمل؟
ائل چکیر لعنتله ساتقین آدینی.
تعریفلر اۆستونده یۆکسلن هئیکل -
ائله تعریفلرله اوچولمادیمی؟

حقیقی صداقت توتولماز اوجوز،
سئوگی ده اینتیقام آلار مرد کیمی.
آلقیشلار اۆستونده اوجالان نۆفوذ —
سونرا قارغیشلارا چئوریلمه‌دیمی؟

دویدو حؤکمدارلار صنعتی میر؟
نه اولدو ایلک آندی، سون اعتیمادی؟
دؤولت ده، میلّت ده منم - دئینلر.
خالقین منلیگینی نئجه تاپدادی؟

بیز باشا ووروروق بؤیوک بیر عصری،
طالع سحیرلی بیر گله‌جکمیدیر؟
تاریخ دۆنن وئردی بیزه بو درسی
صاباح دا بو درسی وئره‌جکمیدیر؟

16-17 ایون ۱۹۹۶