منو
سنه
آشدی بیر زیروه‌نی
تزه ایل بو گۆن،
داغلار دا اینسانلا
اوجالیر گؤیه.
داغ سنه سؤیکنیر
ائله بیل بو گۆن
منسه داغ گزیرم
سؤیکنیم - دئیه!
اۆرک نه‌لر اومار
نورلو سحردن؟
سن آیسان،
من ایسه
سولغون هاله‌یم.
گور چایسان،
آخیرسان
گؤی دره‌لردن،
من ایسه قورویان
بیر شلاله‌یم!
سنسن دان یئرینده
پارلایان آتش،
من ایسه، غۆروبا
اییلن گۆنش!
دؤزرم، اۆستومه
گؤیلر ائنسه ده،
دؤندوم اووو ایتمیش
صیّادا، افسوس!
سنه قلبیم منیم
تئز ایسینسه ده
افسوس، گئج گؤروشدوک
دونیادا، افسوس!
بلکه نیشانه‌سن
سون محبّتدن،
بلکه ده مۆیده‌سن
ابدیتدن!؟
۱ یانوار ۱۹۹۸
تزه ایل بو گۆن،
داغلار دا اینسانلا
اوجالیر گؤیه.
داغ سنه سؤیکنیر
ائله بیل بو گۆن
منسه داغ گزیرم
سؤیکنیم - دئیه!
اۆرک نه‌لر اومار
نورلو سحردن؟
سن آیسان،
من ایسه
سولغون هاله‌یم.
گور چایسان،
آخیرسان
گؤی دره‌لردن،
من ایسه قورویان
بیر شلاله‌یم!
سنسن دان یئرینده
پارلایان آتش،
من ایسه، غۆروبا
اییلن گۆنش!
دؤزرم، اۆستومه
گؤیلر ائنسه ده،
دؤندوم اووو ایتمیش
صیّادا، افسوس!
سنه قلبیم منیم
تئز ایسینسه ده
افسوس، گئج گؤروشدوک
دونیادا، افسوس!
بلکه نیشانه‌سن
سون محبّتدن،
بلکه ده مۆیده‌سن
ابدیتدن!؟
۱ یانوار ۱۹۹۸